Yanditswe Sep, 07 2021 08:43 AM | 101,169 Views
Perezida wa Repubulika Paul Kagame arasaba abanyarwanda kumva ko kubaka igihugu ari inshingano ya buri wese, abayobozi bakunganira mu kugena uburyo ibi byagerwaho.
Ibi umukuru w’igihugu yabivuze ubwo yakiraga indahiro z’abayobozi bakuru bashyizwe mu myanya.
Abarahiye ni Dr Jean Damascene Bizimana minisitiri w’ubumwe bw’ abanyarwanda n’ inshingano mboneragihugu, Lt. General Mubaraka MUGANGA umugaba w’ ingabo zirwanira ku butaka, Commissioner General of Prisons Juvenal MALIZAMUNDA, Komiseri mukuru w’ urwego rw’ imfungwa n’ abagororwa, Deputy Commisssioner General of Police Chantal UJENEZA umuyobozi mukuru wungirije ushinzwe ubutegetsi n’imari muri Polisi y’ igihugu, na Col. Jean Paul NYIRUBUTAMA umunyamabanga mukuru wungirije w’ urwego rw’ igihugu rushinzwe iperereza n’ umutekano.
Perezida wa Repubulika Paul Kagame, yasabye aba bayobozi kuzuza inshingano zabo uko bikwiye birinda kugwa mu makosa asa n’ayakozwe mu bihe byashize.
Kubaka igihugu ni inshingano ya buri munyarwanda, kuko iki ari igihugu cyacu twese, icyo duteze rero kuri aba bayobozi ni ukudufasha kunoza no kuyobora gahunda n’Uburyo bwo kubikora, ngira ngo igikwiye kwibutswa kindi ni uko igihe kibaye kirekire turi muri iyi mirimo hari byinshi duhura nabyo mu byo dukora tuba dukwiye kubivanamo amasomo kugira ngo amakosa aba yarakozwe mu bihe byashize ataba yakongera gusubirwamo, ahubwo tukiga ibishya ndetse n’ uburyo bwo kubikora bijyanye n’igihe tugezemo.
Perezida Kagame kandi yongeye gusaba abayobozi muri rusange kurushaho gutanga umusanzu wabo muri ibi bihe u Rwanda rugihanganye n’icyorezo cya COVID19.
Ndagira ngo nibutse ko ibyo byose, twifuriza abanyarwanda ubuzima bwiza n’ abayobozi turimo kugirango tugere ku buzima bwiza bijyanye n’iki gihe turimo cy’icyorezo gihungabanya ubuzima bw’abantu, ubu hariho ingamba nyinshi ziriho zizwi mu kugikumira ndagirango mu nshingano dufite harimo n'izo zo gushakisha ubuzima bwiza n'abayobozi ariko nabo tuyobora muri iyi mirimo yose.
Umukuru w’igihugu kandi yavuze ko aba bayobozi barahiye bari basanganywe izindi nshingano bityo abasaba kubakira ku bunararibonye barushaho kunoza inshingano nshya bahawe.
Yabibukije kandi kwitanga batizigamye mu guharanira inyungu z’Abanyarwanda kandi ko kugira ngo bishoboke bisaba ubufatanye n’abandi bayobozi muri rusange.
Nyarugenge: Abaturage batabaje ubuyobozi bijejejwe ubufasha
May 07, 2024
Soma inkuru
Perezida Kagame yasabye urubyiruko kudapfusha ubusa imyaka yabo
May 07, 2024
Soma inkuru
RCS igiye gufungura abantu bagera ku 2000 barangije ibihano
May 07, 2024
Soma inkuru
Nta bwoba bwo gukora ibintu bizima- Perezida Kagame abwira urubyiruko
May 07, 2024
Soma inkuru
Urubyiruko rw’Abakorerabushake rwizihije imyaka 10 y’ibikorwa byarwo
May 07, 2024
Soma inkuru
Umugaba Mukuru w’Ingabo za Sénégal yatangiye uruzinduko rw’akazi mu Rwanda ...
May 06, 2024
Soma inkuru
Abadepite bemeje ishingiro ry'umushinga w'itegeko ryemerera abanyamahanga kuba abakozi ba ...
May 06, 2024
Soma inkuru
Ingabo z’u Rwanda n’iza Mozambique zagabye ibitero ku byihebe mu Ntara ya Nampula
May 05, 2024
Soma inkuru