Kwibuka29: Hibutswe abari abakozi ba MIJEUMA, abahanzi ndetse n'abakinnyi

Kuri uyu wa Mbere, Minisiteri ya Siporo, Minisiteri y'Ubumwe bw'Abanyarwanda na Minisiteri y'Urubyiruko n'ibigo bizishamikiyeho bari mu gikorwa cyo Kwibuka ku nshuro ya 29 Jenoside yakorewe Abatutsi.

Mu bibukwa harimo abahoze ari abakozi ba Minisiteri y'Urubyiruko n'Amashyirahamwe (MIJEUMA), abahanzi ndetse n'abakinnyi.

Minisitiri wa Siporo Aurore Mimosa Munyangaju, yavuze ko ubuyobozi bubi bwari buriho bwatumye urubyiruko rugira uruhare muri Jenoside ndetse no gusenya ubumwe bw'Abanyarwanda nyamara aribo bari imbaraga z'igihugu.

Aha ni ho yahereye asaba urubyiruko rw'iki gihe guharanira ubumwe bw'Abanyarwanda ndetse no guhangana n'abashaka kugoreka amateka.

Cyubahiro Bonaventure