Mu Buhinde, mu Bushinwa, muri Senegal n’ahandi bibutse abazize Genocide yakorewe abatutsi muri 94

Kwibuka ku nshuro ya 20 jenoside yakorewe abatutsi byabereye no mu bindi bihugu byo ku isi birimo abanyarwanda. iyi mihango yabereye nko mu gihugu cy’ubuhinde,ubushinwa ndetse na Senegal uyu muhango ukaba uteganijwe. Uyu muhango wari witabiriwe n’abantu bagera ku 150 barimo abanyarwanda n’inshuti z’ u Rwanda, abadiplomate n’abashinwa mu mujyi wa beijing wabimburiwe n’umutambagiro ndetse no kwerekana amashusho agaragaza ibikorwa ndengakamere byaranze jenoside yakorewe abatutsi, bafata umunota wo kwibuka nyuma abahagarariye ibihugu byabo mu bushinwa bacana urumuli nk’ikimenyetso cy’icyizere. Muri uyu muhango humvishwe kandi ubuhamya bw’umunyarwanda haguma Norbert mu bihe yanyuzemo ndetse hanerekanwa filimi ijyanye na jenoside. Nshunguyimfura Norbert uhagarariye Diaspora nyarwanda mu gihugu cy’ubushinwa avuga ko mu ijambo rya ambasaderi Francois NGARAMBE yagarutse ku kuba umuryango mpuzamahanga waratereranye u Rwanda ariko anereka abari aho icyerekezo u Rwanda rufite. Yakomeje yerekana ko u Rwanda nk’ igihugu cyahuye n’ibibazo by’amateka mabi bifuza ko nta handi byazaba ku isi. Mu gihugu cy’ubuhinde nacyo gifite abanyarwanda benshi biganjemo abanyeshuri bagarutse ku buhamya butandukanye aho basabaga abatuye isi kwamagana ibikorwa bishingiye ku ivangura bityo ibyabaye mu Rwanda bikabera isomo abandi. High commissioner Erneste rwamucyo avuga ko bashimangiye ko kuba umuryango mpuzamahanga waratereranye u Rwanda bitari bikwiye ariko abanyarwanda bakaba barafashe ingamba zihamye zo kwiteza imbere. Ibikorwa byo kwibuka mu buhinde byabimburiwe no kuzengurutsa urumuli rutazima imijyi itandukanye yo mu buhinde. Naho mu gihugu cya Senegal uyu muhango wo kwibuka uteganijwe mu ijoro ryo kuri uyu wa mbere aho abanyarwanda basaga 500 baraba bateraniye mu mujyi wa Dakar.Ntwali Gerrard Ambasaderi w’u Rwanda muri Senegal avuga ko muri 1994 hari abanyasenegal bari mu Rwanda bityo bakaba bateganya ko muri uyu muhango haratangwa ubutumwa butandukanye. Muri ibi bihe byo kwibuka baranateganya by’umwihariko urugendo rwo kwibuka walk to remember.