Urukiko rwatangaje ko Kabuga adafite ubushobozi bwo kuburana

Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (IRMCT)rwanzuye ko Felicien Kabuga ushinjwa kugra uruhare muri Jenoside yakorewe abatutsi adashobora gukomeza kuburana kubera ko adafite ubushobozi bwo kuburana cg kuburashinwa.

Ni umwanzuro wafashwe kuri uyu wa gatatu aho uru rukiko rw’i La haye rwagaragaje ko nta rubanza ruzabaho mu kuburanisha Kabuga.

Imvano ya byose ni ukubera uburwayi hamwe n’izabukuru, ibyagaragajwe n’abamunganira mu mategeko ubwo urubanza rwatangiraga mu mizi.

Kabuga ufatwa nk’umuterankunga mukuru wa Jenoside yakorewe Abatutsi mu 1994, yafatiwe mu Bufaransa ku itariki ya 16 Gicurasi 2020, ajya gufungirwa i La Haye mu Buholandi. Yatangiye kuburanishwa mu kwezi kwa 9 mu mwaka wa 2022.