AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Polisi yasabye abatwara ibinyabiziga kwitwararika muri ‘Weekend’ ndende

Yanditswe Mar, 29 2024 08:21 AM | 183,131 Views



Umuvugizi w'Ishami rishinzwe Umutekano wo mu muhanda muri Polisi y'Igihugu,SP Emmanuel Kayigi, yasabye abatwara ibinyabiziga kwitwararika , bakirinda gutwara banyoye ibisindisha cyangwa andi makosa yateza impanuka muri iki gihe binjiye muri 'Weekend' ndende.

Yabigarutseho mu kiganiro Bwakeye Bute cyo kuri Radio Rwanda, mu gihe ku wa  Gatanu no ku wa Mbere ari iminsi  y'ikiruhuko cy'uwa Gatanu Mutagatifu na Pasika.

SP Kayigi yavuze ko abantu bakwiye kwishima ariko bakirinda kubangamira abagenda mu muhanda cyangwa kuba bo ubwabo bashobora gukora impanuka, ziturutse ku gutwara banyoye ibisindisha.

Ati "Weekend uko ari ndende buri wese afite uko ayipangira, byaba byiza ndetse rimwe na rimwe na ba nyir'utubari, kureba niba umukiliya wawe asohotse ukabona ntabasha no guhagarara, kuba wamukurikira ukamuha ubufasha."

SP Kayigi yavuze ko ari byiza ko abantu bishimira iminsi mikuru na Pasika by’umwihariko ariko bakibuka ko ubuzima ari ubwa mbere.

Ati "Turifuriza abantu kwidagadura, ibiruhuko biba byarashyiriweho kuruhuka, kwishima, barye ibyabo, bishime, umutekano urahari ariko nyuma yo kwishima ntabwo hakwiye kubaho amarira cyangwa ibyago."

Yakomeje agira ati "Ugasanga umuntu yagiye gutaramana n'abandi, ibyishimo bikamurenga, yajya guhaguruka agatwara imodoka yanyoye, agakora impanuka."

Polisi y’u Rwanda igaragaza kimwe mu bisigaye biza ku isonga mu guteza impanuka zo mu muhanda kandi zigatwara ubuzima bw’abantu, ari abatwara ibinyabiziga banyoye ibisindisha.



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura