AGEZWEHO

  • USA: Kaminuza ya Leta ya California yibutse ku nshuro ya 30 Jenoside yakorewe Abatutsi – Soma inkuru...
  • Gicumbi: Imiryango yasenyewe n’ibiza mu 2023 yatujwe mu Mudugudu wa Kaniga – Soma inkuru...

NEC yasobanuye ibisabwa ku baziyamamariza ku mwanya w’Umukuru w’Igihugu

Yanditswe Apr, 15 2024 16:30 PM | 72,677 Views



Kuva kuri uyu wa Mbere, abakandida bigenga bashaka kwiyamamaza ku mwanya wa Perezida wa Repubulika n’Abadepite mu byiciro bitandukanye, batangiye kujya ku biro bya Komisiyo y'Igihugu y’Amatora guhabwa impapuro bazajyana mu Turere gushaka abazabasinyira kugira ngo bemererwe gutanga kandidature.

Kuri uyu wa Mbere abakorerabushake ba Komisiyo y'Igihugu y’Amatora bazindukiye muri buri rugo mu Midugudu yose yo mu Rwanda bagenzura ko abaturage bikosoje kuri list y’itora, abo basanze batariho bagashyirwa kumugereka cyangwa bakimurwa bitewe n'aho umuturage ashaka kuzatorera.

Ku rundi ruhande ariko hari n’abaturage bavuga ko kwikosoza kuri list y’itora barimo kubikora bifashishje telephone aho bakanda *169# bagakurikiza amabwiriza.

Mugambira Ethienne uyobora Umurenge wa Gitega, avuga ko ubu batangiye gushishikariza abaturage bayobora kuzitabira amatora, ariko kandi bakanubahiriza ibyo abakorerabushake babasaba mu gihe babasanze mu ngo zabo.

Umunyamabanga Nshingwabikorwa wa Komisiyo y'Igihugu y’Amatora, Munyaneza Charles avuga ko uretse ibikorwa byo kwikosoza kuma lisiti y’itora byatangiye, ubu ngo n'abashaka kwiyamamaza ku giti cyabo amarembo afunguye ngo batangire guhabwa ikibemerera kujya gushaka ababasinyira. 

Amatora y’Umukuru w’Igihugu n’Abadepite azaba ku itariki ya 14 Nyakanga ku Banyarwanda baba mu mahanga, no ku itariki 15 Nyakanga ku Banyarwanda bari imbere mu gihugu.



Juventine Muragijemariya




Ba uwambere gutanga igitekerezo

Tanga igitekerezo:



RSS FEED

Gen Mubarakh Muganga yagiriye uruzinduko muri Jordanie (Amafoto)