Yanditswe Sep, 28 2021 20:15 PM | 25,464 Views
Ikigo
gishinzwe ubucuruzi muri Zimbabwe (Zim Trade), cyavuze ko mu byo gishyize
imbere ari uko u Rwanda ruza mu bihugu 10 iki gihugu cyoherezamo ibicuruzwa.
Mu gihe cy’iminsi 3, itsinda ry’abashoramari n’abikorera b’u Rwanda na Zimbabwe barungurana ibitekerezo i Kigali, ku cyakorwa kugira ngo ubucuruzi n’ishoramari burusheho kubyarira inyungu abatuye ibihugu byombi, bityo habeho kwihaza no kongera ingano y’ibyoherezwa hanze by’umwihariko ku mugabane wa Afurika utuwe n’abaturage basaga miliyari 1.2.
Mu masezerano y’imikoranire atanu yasinywe hagati y’u Rwanda na Zimbabwe, RDB ivuga ko hari inzego nyinshi u Rwanda rwabyaza umusaruro harimo nk’ikoranabuhanga, ubucukuzi bw’amabuye y’agaciro n’izindi.
Ubufatanye mu ikoranabuhanga, ubukerarugendo, ubuhinzi, kurengera ibidukikije, gukorana bya hafi kw’abikorera ku mpande zombi, ni amwe mu masezerano yasinywe hagati y’u Rwanda na Zimbabwe.
Mu myaka ibiri ishize u Rwanda rwohereje muri Zimbabwe ibicuruzwa bifite agaciro k’ibihumbi 113 by’amadolari, mu gihe Zimbabwe yohereje mu Rwanda ibifite agaciro ka miliyoni zikabakaba 19 z’amadolari.
Umuyobozi mukuru w’ikigo gishinzwe ubucuruzi muri Zimbabwe, Allan Majuru avuga ko aya masezerano azatuma iki gihugu kigera ku ntego zacyo yo gutuma ingano y’ibicuruzwa byoherezwa mu Rwanda birushaho kwiyongera.
Mu 2019 ishoramari ryakozwe mu Rwanda ryari rifite agaciro ka miliyari 2.9 z’amadolari ya Amerika, ariko kubera icyorezo cya covid 19 cyahungabanije ubukungu bw’isi muri rusange, mu 2020 ishoramari ryari rifite agaciro ka miliyari 1.3 z’amadolari.
Umuyobozi wungirije wa RDB, Zephanie Niyonkuru asanga abikorera bo mu Rwanda bakwiye gutera intambwe igaragara mu kubyaza umusaruro amahirwe y’ishoramari mu gihugu cya Zimbabwe, kuko amasezerano yasinywe atanga umurongo wo kuborohereza.
Kuzamura urwego rw’imikoranire hagati y’u Rwanda na Zimbabwe, minisitiri ushinzwe ububanyi n’amahanga n’ubucuruzi wa Zimbabwe Amb Fredarick Shava abibonamo inyungu ikomeye cyane cyane ko ibihugu byombi bizagura ubuhahirane cyane ko isoko ku mpande zombi rihari.
Ministitiri w’ububanyi n’amahanga w’u Rwanda, Dr Vincent Biruta, agaragaza ko gukomeza kwagura ishoramari hagati y’u Rwanda na Zimbabwe bituruka ku mibanire isanzwe ari myiza ku hagati y’ibihugu byombi, bityo ngo inyungu zirushijeho zizakomeza kwigaragaza.
Jean Claude Mutuyeyezu
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru