Urukiko rw’ibanze rwa Gasabo rwategetse ko Dr. Habumuremyi afungwa iminsi 30 y’agateganyo

Kuri uyu wa Kabiri Urukiko rw’ibanze rwa Gasabo rwategetse ko  ko Dr Pierre Damien Habumuremyi afungwa iminsi 30 y’agateganyo. Urukiko rwavuze ko ngo  ibyagaragajwe n’iperereza ry ’agateganyo bigaragaza impamvu zikomeye zatuma akekwaho gukora ibyaha akurikiranweho.

Ubwo yaburanaga ku bijyanye n’ ifungwa n’ifungurwa ry’agateganyo ,Habumuremyi yari yasabye kubura anadafunze ku bera impamvu z’uburwayi akongeraho ko ngo atatoroka ubutabera kubera imirimo ikomeye yakoze mu gihugu.

Ubushinjacyaha bwari bwagaragaje ko uregwa akurikiranweho ibyaha bikomeye kandi bukaba bufite impungenge ko aramutse arekuwe yatoroka ubutabera.

Dr Pierre Damien Habumuremyi akekwa ibyaha byo gutanga sheki 6 zitazigamiwe yasinye mu bihe bitandukanye mu izina rya kaminuza yitwa Chritian University of Rwanda afitemo ubwiganze bw’ imigabane;sheki zifite agaciro ka miliyoni 170.140.000

Anakekwaho kandi icyaha cy'ubuhemu, aho Christian University of Rwanda yagiranye amasezerano n'uwitwa Ngabonziza Jean Bosco ku mafaranga y'isoko angana na miliyoni 22.500.000 ikamwishyura miliyoni 5 izindi 17.500.000 ntIzimwishyure

Dr Pierre Damien Habumuremyi yabaye Minisitiri w'intebe kuva mu kwezi k'ukwakira 2011, asimburwa kuri uwo mwanya mu kwezi kwa Karindwi mu 2014. Kuva muri 2015 kugeza atawe muri yombi, yari Perezida w'urwego rw'igihugu rushinzwe intwari z'igihugu, imidari n'impeta z'ishimwe.