Urukiko rwanzuye ko Nsabimana Callixte azakomezwa gufungwa byagateganyo

AGEZWEHO

  • Gahunda yo kwigishiriza kuri radiyo izatuma abanyeshuri badasubira inyuma – Soma inkuru...
  • Barifuza ko ubwinshingizi bw'ibinyabiziga bwaba buhagaritswe – Soma inkuru...

Urukiko rwanzuye ko Nsabimana Callixte azakomezwa gufungwa byagateganyo

Yanditswe May, 29 2019 10:59 AM
3,653 Views



Urukiko rw’ibanze rwa Gasabo rwafashe umwanzuro w'uko  Nsabimana Callixte wiyita Sankara  akomeza gufungwa by’agateganyo mu gihe kingana n'ukwezi mu gihe hategerejwe ko urubanza rutangira kuburanishwa mu mizi.

JOHN BICAMUMPAKA &  EUGENE NDAYISABA

Mu gufata umwanzuro urukiko rwitaye cyane ku mpungenge zagaragajwe n’ubushinjacyaha ko Nsabimana Callixte akurikiranweho ibyaha bikomeye, kandi bidashidikanywaho, ndetse bishobora gutuma yahabwa igihano cy'igifungo cyarenza imyaka 2 mu gihe ibyo byaha bimuhamye.

Byongeye kandi, urukiko rwavuze ko ubushinjacyaha bwagaragaje impamvu z'uko Nsabimana Callixite aramutse arekuwe yatoroka ubutabera, akaba yabangamira iperereza cyangwa agakomeza gukora ibyaha yaketsweho. Izo ngingo zombi nizo urukiko rw'ibanze rwa Gasabo rwashingiyeho rutegeka ko Nsabimana Callixte akomeza gukurikiranwa afunze by'agateganyo mu gihe cy'ukwezi kugira ngo iperereza rikomeze.

Izo mpamvu nizo urukiko rw’ibanze rwa Gasabo rwashingiyeho rutegeka ko Callixte Nsabimana fungwa by’agateganyo  iminsi 30.

Nsabimana Callixte wasomewe adahari,akurikiranyweho ibyaha  16 birimo kurema umutwe w'ingabo zitemewe, iterabwoba ku nyungu za politiki, icyaha cyo gukora no  kugira uruhare mu bikorwa by'iterabwoba, gutanga amabwiriza mu gikorwa cy'iterabwoba, kugambana no gushishikariza abandi iterabwoba, ubwicanyi n'ubwinjiracyaha cy'ubwicanyi, guhakaan jenoside yakorewe abatutsi, gufata bugwate n'ibindi byaha. Byose yabyemereye imbere y'urukiko ku wa 4 w'icyumweru gishize, abisabira imbabazi.




Ba uwambere gutanga igitekerezo

Tanga igitekerezo:



RSS FEED

Diplomats, tourism analysts weigh in on Rwanda's visa regime

FDA mu nzira yo kunoza uburyo ibiribwa n’imiti bigenzurwa

Ikigo ndagamuco cy’u Bufaransa mu Rwanda kigiye kongera gukora

Bafite impungenge zo kuba umuhanda uhuza u Rwanda na Tanzania utinze gusanwa bya

U Bubiligi bwahaye u Rwanda ubushakashatsi bwakoze muri 1923 bw'ahari amabu

Uganda yahawe ukwezi ko kugenzura imiterere y’ikibazo cy’imitwe irwa