Urubanza rw'abakekwaho iterabwoba rwasubitswe nyuma y'aho babuze mu rukiko

AGEZWEHO

  • Abasirikare 150 b’Abaholandi bari mu mahugurwa mu Rwanda – Soma inkuru...
  • Ahahoze inkambi y’impunzi ya Gihembe hatangiye gusubiranwa mu rwego rwo kuhabungabunga – Soma inkuru...

Urubanza rw'abakekwaho iterabwoba rwasubitswe nyuma y'aho babuze mu rukiko

Yanditswe Nov, 04 2021 12:51 PM | 46,445 Views



Kuri uyu wa Kane, mu Rukiko rukuru urugereko rushinzwe kuburanisha ibyaha by'iterabwoba n'ibyambukiranya imipaka ruherereye i Nyanza mu majyepfo, hakomeje urubanza rw'abantu batanu bakurikiranweho ibyaha birimo gucura umugambi wo kugirira nabi ubutegetsi buriho n'iterabwoba rishingiye ku nyungu z'idini.

Bitewe  n'ibibazo by'ihuzanzira (network) byakomye mu nkokora iburanisha riheruka, urukiko rwari rwasabye abaregwa ko bazaza kuburanira  mu cyumba cy'iburanisha ku cyicaro cy'urukiko mu rwego rwo kwirinda ko ibyo bibazo byakongera. Gusa nanbwo ababurana ntibagaragaye mu rukiko n'ubwo abunganizi babo bari bahari.

Urukiko rwabajije abunganira abaregwa impamvu abo bunganira batagaragaye mu rukiko, basubiza ko nabo impamvu batayizi ko byabazwa ubushinjacyaha n'ubuyobozi bwa gereza ya Mageragere bafungiyemo ngo kuko na bo baje biteguye kuburana.

Ubushinjacyaha bwavuze ko na bo batazi ikibazo cyabaye ku buyobozi bwa gereza kuko bari babisabye kandi na bo bakaba bari baje biteguye kuburana.

Urukiko rumaze kumva ibivugwa n'impande zombi rwavuze ko hagendewe ku kuba ubuyobozi bwa gereza butagaragaje impamvu yatumye ababurana batabinetse kandi n'abunganira abaregwa bakaba batakunganira abo batari kumwe rwanzuye ko urubanza rusubikwa rukazasubukurwa tariki ya 30/11/2021. Nabwo ababurana bakazanwa kuburanira ku cyicaro cy'urukiko imbona nkubone.

Jean Pierre Ndagijimana 



Ba uwambere gutanga igitekerezo

Tanga igitekerezo:



RSS FEED

RSSB yahawe igihembo ku bw’inzu yubatse mu bikoresho bitangiza ibidukikije

Urukiko rwatangiye urubanza ku ifunga n'ifungura ry'agateganyo rya Mun

Urukiko rw’Ubujurire rwatangiye kuburanisha urubanza rw'abagabye igit

Urukiko rwasomye urubanza rw'abayoboke 11 ba FDU Inkingi

Ruswa mu butabera, kimwe mu byo Perezida w’Urukiko rw’Ikirenga agiye

Urukiko rw’Ikirenga ruri gusuzuma niba itegeko ry'ubutaka ryaba rihab