Umunyarwanda Jackson Musoni yaguye mu mpanuka ya Ethiopian Airline

Jackson  Musoni niwe munyarwanda uri mu bantu 157 baguye mu mpanuka y’indege ya Ethiopian Airline yabaye kuri iki Cyumweru tariki 10 Werurwe 2019; ubwo iyi ndege yavaga Addis Ababa ijya Nairobi.

Amakuru avuga ko uyu Jackson Musoni yakoreraga umuryango wa UNHCR mu gihugu cya Sudani y’Epfo; kandi ko asize umugore n’abana babiri; umukobwa n’umuhungu.

Bivugwa ko mbere yo gukorera muri Sudani y’Epfo, Musoni yakoze muri Minisiteri y’Ububanyi n’Amahanga mu myaka ya 2011 na 2013.

Uretse uyu Munyarwanda, muri iyi ndege haguyemo:

• Abanyakenya 32
  
• Abanyakanada 18
• Abanya-Ethiopia 9
• Abataliyani 8
• Abashinwa 8
• Abanyamerika 8
• Abongereza 7
  
• Abafaransa 7
• Abanyamisiri 6
• Abadage 5
• Abaholandi 5
• Abanya-Australia 3
• Abafite Pasiporo z'Umuryango w'Abibumbye (UN) 1
• Abanya-Slovakia 4
• Abahinde 4
• Abarusiya 3
• Abanya-Poland 2
• Abanya-Marocc 2
• Abanya-Israeli 2
• Umubiligi 1 
• Umugande 1
• Umunya-Yemeni 1
• Umunya-Sudani 1
• Umunya-Togo 1
• Umunya-Mozambique 1
• Umunya-Norvege 1

Perezida wa Repubulika y’u Rwanda, Paul Kagame yihanganishije imiryango yabuze abayo muri iyi mpanuka, avuga ko yifatanyije nabo mu kababaro.

Our heartfelt condolences to the families and loved ones of those who lost their lives on the Ethiopian Airlines flight from Addis Ababa to Nairobi. We stand with Prime Minister Abiy and the people of Ethiopia. Our thoughts are with you.

— Paul Kagame (@PaulKagame) March 10, 2019