Uko umunsi wa mbere wagenze mu gutanga urukingo rwa Covid19 ku bafite imyaka 12

AGEZWEHO

  • Abasirikare 150 b’Abaholandi bari mu mahugurwa mu Rwanda – Soma inkuru...
  • Ahahoze inkambi y’impunzi ya Gihembe hatangiye gusubiranwa mu rwego rwo kuhabungabunga – Soma inkuru...

Uko umunsi wa mbere wagenze mu gutanga urukingo rwa Covid19 ku bafite imyaka 12

Yanditswe Nov, 23 2021 17:55 PM | 46,640 Views



Kuri uyu wa kabiri, u Rwanda rwatangiye gutanga urukingo rwa COVID19 ku ngimbi n’abangavu bari hagati y’imyaka 12 na 18, igikorwa cyatangiriye mu bigo by’amashuri bitatu byo mu Mujyi wa Kigali.

Abakingiwe bavuga ko uru rukingo bari barutegereje kuko barwitezeho kubafasha gukomeza ubuzima busanzwe nta mpungenge zo guhitanwa na COVID19.

Mu masaha yo ku manywa mu rwunge rw’amashuri rwa Gahanga ya mbere, urujya n’uruza rwari rwose, ingimbi n’abangavu bitabiriye kwikingiza COVID19 bafite amafishi mu ntoki zabo nyuma yo gusinyirwa n’ababyeyi babo babemerera guhabwa urukingo.

Uretse urwunge rw’amashuri rwa Gahanga ya mbere mu karere ka Kicukiro, igikorwa cyo gutanga urukingo ku ngimbi n’abangavu bari hagati y’imyaka 12 na 18 cyanatangiriye muri koleji St André mu karere ka Nyarugenge, ndetse no mu rwunge rw’amashuri rwa Kagugu mu karere ka Gasabo.

Umunyamabanga wa leta muri Minisiteri y’Uburezi ushinzwe amashuri abanza n’ayisumbuye, Gaspard Twagirayezu yavuze ko urwego rw’uburezi ari rumwe mu zahungabanyijwe bikomeye n’icyorezo cya COVID19, bityo iyi gahunda ikazafasha uru rwego gukomeza kuzahuka nta mpungenge.

Ingimbi n’abangavu babarirwa mu 1 400 nibo byari byitezwe ko bakingirwa ku munsi wa mbere w’iyi gahunda.


Divin Uwayo



Ba uwambere gutanga igitekerezo

Tanga igitekerezo:



RSS FEED

Ubwoko bushya bwa COVID19: MINISANTE irajya inama yo kutadohoka

Abangavu n’ ingimbi bari ku mashuri baravuga ko biteguye gufata urukingo r

Karongi: Ubwitabire mu bukerarugendo bugeze ku gipimo cya 70%

Banki y’Isi yijeje u Rwanda gufatanya mu guhangana na Covid19

Ibitaro by'Akarere bya Nyarugenge byavuraga abarwaye COVID19 bigiye kuvura

U Rwanda rwakiriye inkingo dose ibihumbi 390 za Pfizer zatanzwe n’u Bufara