Uganda yirukanye Abanyarwanda 30

AGEZWEHO

  • Akarere ka Gisagara kagiye guha amabati asaga 200 abatuye bahuye n’ibiza – Soma inkuru...
  • Ibigo 3 by’ubwishingizi mu buvuzi ntibivuga rumwe n’ihuriro ry’amavuriro yigenga – Soma inkuru...

Uganda yirukanye Abanyarwanda 30

Yanditswe Nov, 26 2021 09:17 AM | 87,667 Views



Ku mugoroba wo kuri uyu wa Kane abanyarwanda 30 bakiriwe ku mupaka wa Kagitumba mu karere ka Nyagatare, aho bagejejwe birukanywe mu gihugu cya Uganda. 

Aba barimo abagabo 21, abagore 5 n'abana 4 bakaba bari bafungiye muri gereza zitandukanye zo muri cyo gihugu.

Bamwe muri aba banyarwanda bavuga ko bafashwe bakuwe mu modoka zari zibazanye mu Rwanda abandi bafatirwa mu mirimo itandukanye, bafungwa ngo bazizwa ko nta byangombwa bya Uganda bafite bibemerera kuhaba.

Gusa bo bemeza ko hari ibyo bari bafite, ikindi ni uko ngo  aho bari bafungiye  bakorewe ibikorwa bibi birimo kwicishwa inzara no gukubitwa.

Muri aba banyarwanda harimo uwitwa Niyibizi Daniel ukomoka mu Karere ka Ruhango wageze  muri Uganda avuye mu gihugu cya Malawi, we n'umuryango we mu kwezi kwa Gatanu 2021. 

Akigera aho  muri Uganda yahise afungwa we n'umuryango we ashinjwa kuba intasi y'u Rwanda, kugeza  naho umugore we abyarira muri Gereza yahitwa Mbuya, ndetse hakiyongeraho no kuba imitungo ye arimo n'imodoka yarayambuwe.

Bakigera mu Rwanda uko ari 30 bapimwe icyorezo cya Covid 19 aho umunani muri bo basanzwemo virus itera Covid-19.

Aba Banyarwanda bagejejwe mu Rwanda baje bakurikira abandi bagiye birukanywa mu gihugu cya Uganda mu bihe bitandukanye, banyujijwe ku mipaka itandukanye ihuza u Rwanda na Uganda irimo n'uwa Kagitumba mu Karere ka Nyagatare.

Munyaneza Geofrey




Ba uwambere gutanga igitekerezo

Tanga igitekerezo:



RSS FEED

Akarere ka Gisagara kagiye guha amabati asaga 200 abatuye bahuye n’ibiza

Ibigo 3 by’ubwishingizi mu buvuzi ntibivuga rumwe n’ihuriro ry&rsquo

Imvura yateje ibiza muri Rubavu yishe umuturage isenya n’inzu

Umuvugizi wungirije wa Guverinoma y’u Rwanda yavuze ku ruzinduko rwa Gen K

Akarere ka Nyagatare kahagurukiye ababyeyi bashyira abana mu mirimo ibatesha ish

Perezida Nyusi yasuye inzego z'umutekano z'u Rwanda na Mozambique