Yanditswe Oct, 20 2020 23:03 PM | 118,668 Views
Ubushinjacyaha kuri uyu wa 2 bwagaruye Paul Rusesabagina mu rukiko rw'ibanze rwa Kicukiro rumusabira kongererwa indi minsi 30 yo gufungwa by'agateganyo.
Ubushinjacyaha bwagaragaje ko bugikeneye igihe cyo gukora iperereza ry’inyongera aho buzabaza Rusesabagina n'abakekwaho kuba abafatanyacyaha be, bubaze abatangabuhamya bagizweho ingaruka n'ibikorwa akekwa kugiramo uruhare bari muri Nyaruguru, Nyamagabe na Rusizi, ndetse buhuze ibimenyetso by'inyongera n'iperereza rya mbere.
Bwagaragaje ko mu minsi 30 bwari bwasabiye uregwa gufungwamo by'agateganyo bwasesenguye dosiye, bureba n’ibikenewe mu iperereza ry'inyongera, bwashatse kandi abatangabuhamya b'inyongera, bubaza Paul Rusesabagina n'abandi bakekanwa, hakozwe n’amasuzuma ya muganga arebana n’ubuzima bw’uregwa.
Ku itariki 17 Nzeri ni bwo urukiko rw’ibanze rwa Kicukiro rwategetse ko Rusesabagina Paul afungwa by'agateganyo muri gereza, icyemezo cyashimangiwe n’urukiko rwisumbuye rwa Nyarugenge ku itariki 02/10/2020.
Kuya 16 ni bwo iminsi 30 yo gufungwa by'agateganyo yarangiye ari nabwo ubushinjacyaha bwatanze ikirego busaba ko yongerwa.
Gusa abunganira Rusesabagina bagaragaje ko ikirego cyo kongera iminsi y’ifungwa ry’agateganyo cyatanzwe igihe cyarenze kuko babaze amasaha agize iminsi 30 basanga yararenzeho iminota 7 kuko ikirego cyageze mu ikoranabuhanga ryifashishwa mu nkiko saa munani n’iminota 7 kuri bo umunsi wa 31 ukaba wari watangiye, bakemeza ko umukiliya wabo afunzwe binyuranye n’amategeko, akwiriye kurekurwa.
Ubushinjacyaha ariko bwo busobanura ko igihe cyo gufungwa by’agateganyo kibarwa mu minsi bityo bukaba bwaratanze ikirego umunsi wa 30 ugikomeje kuko wari kurangira saa sita z’ijoro tariki 16 Ukwakira.
Itegeko kandi ryemera ko iminsi yo gufungwa by’agateganyo yakongerwa kugera ku mezi 6 mu gihe ukekwa akurikiranyweho ibyaha by’ubugome, bukemeza ko ari ko bimeze kuri uru rubanza rwa Rusesabagina.
Ikindi cyakuruye impaka zafashe umwanya munini, ni uko Paul Rusesabagina akimara gusomerwa umwirondoro yahise atangaza ko atari wo kuko atari umunyarwanda binashimangirwa n’umwunganira mu mategeko Me David Rugaza wagize ati “uhagaze imbere y'urukiko ni Rusesabagina w'umubiligi si uw'Umunyarwanda.
Ibi byahise bitangwa nk’inzitizi ku kirego cy’ubushinjacyaha, ariko bwo bushimangira ko uyu mwirondoro ari wo kandi uregwa yanawutanze ubwo yabazwaga mu bugenzacyaha, mu bushinjacyaha, no mu rukiko rw'ibanze n’urwisumbuye mu bujurire kuri iri fungwa ry’agateganyo.
Ubwunganizi bwa Rusesabagina kandi bwatangaje ko hari undi mwunganizi wa 3, Me Gatera Gashabana, utabonetse kubera ko ari hanze y’igihugu.
Umwanzuro ku kongera iminsi y’ifungwa ry’agateganyo uzatangazwa kuwa 5 tariki 23 Ukwakira saa cyenda z'amanywa.
Yanditswe na Gratien Hakorimana.
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru