U Rwanda rwasinye amasezerano arwemerera kuzakira imikino ya nyuma ya Afrobasket

Ishyirahamwe ry'umukino wa Basketball ku mugabane wa Afurika, ryasinyanye na leta y' u Rwanda amasezerano yemeza ko ruzakira imikino ya nyuma ya Afrobasket iteganijwe muri Kanama uyu mwaka.

Perezida w'Ishyirahamwe ry 'umukino wa Basketball ku rwego rw'Isi Hamane Niang avuga ko ashima u Rwanda na Perezida Kagame kuko bahaye uyu mukino ibikenewe byose.

Yavuze ko nabo bazabibyaza amahirwe azagirira isi yose akamaro. Minisitiri wa Sport Aurore Munyangaju Mimosa,  avuga ko u Rwanda ruzakora ibishoboka byose kugira ngo abakinnyi n'abayobozi b'ibihugu bizitabira bazagubwe neza kandi babone ibikenewe byose. 

Iyi mikino izitabirwa n'ibihugu 16 byabonye itike mu majonjora aheruka.

Ibi bihugu birimo u Rwanda, Nigeria, Sudani y'Epfo, Mali, Senegal, , Cote d' ivoire, Tunisia, Angola, Misiri, Kameruni, Centre Africa, Repubulika Iharanira Demokarasi ya Congo, Kenya na Guinea.

Nyuma ya Afrobasket hazakurikiraho igikombe cy'isi cya 2023 kizitabirwa  n'amakipe atanu ya mbere kuri buri mugabane, harimo n'amakipe atanu azaba aturutse muri iri rushanwa rizabera mu Rwanda.