AGEZWEHO

  • USA: Kaminuza ya Leta ya California yibutse ku nshuro ya 30 Jenoside yakorewe Abatutsi – Soma inkuru...
  • Gicumbi: Imiryango yasenyewe n’ibiza mu 2023 yatujwe mu Mudugudu wa Kaniga – Soma inkuru...

U Rwanda na UAE byasinye amasezerano yo kurwanya iterabwoba

Yanditswe Feb, 14 2024 17:27 PM | 100,062 Views



U Rwanda na Leta Zunze Ubumwe z’Abarabu, UAE, byasinye amasezerano y'ubufatanye mu bijyanye n'umutekano no kurwanya iterabwoba.

Aya masezerano yashyizweho umukono kuri uyu wa Gatatu, tariki ya 14 Gashyantare 2024 na Minisitiri w'Umutekano, Gasana Alfred na mugenzi we akaba na Minisitiri w’Intebe wungirije wa UAE, H.H Lt. Gen. Sheikh Saif bin Zayed Al Nahyan.

UAE ni igihugu gishyira imbere kurwanya iterabwoba ndetse u Rwanda narwo rutanga umusanzu warwo mu kurihashya mu bihugu bitandukanye birimo na Mozambique, aho Ingabo za RDF zoherejwe guhashya ibyihebe byari byarigaruriye Intara ya Cabo Delgado.

Muri Kamena 2023, Ambasaderi wa Leta Zunze Ubumwe z’Abarabu [UAE] mu Rwanda, Hazza Aqahtani, yagaragaje ko hakenewe imbaraga mu kurwanya ubuhezanguni n’iterabwoba kuko bibangamiye amahoro n’ukubabarirana mu bantu.

U Rwanda na UAE bisanzwe bifitanye umubano ushingiye ku bwubahane na dipolomasi igamije guteza imbere abaturage b’ibihugu byombi.




Ba uwambere gutanga igitekerezo

Tanga igitekerezo:



RSS FEED

Gen Mubarakh Muganga yagiriye uruzinduko muri Jordanie (Amafoto)