Yanditswe Apr, 13 2019 20:09 PM | 4,666 Views
Mu gihugu cya Soudan ho amakuru aturukayo avuga ko uwari ukuriye urwego rw’ubutasi yamaze kwegura ku mirimo ye ndetse n’uyoboye inzibacyuho nawe yavanyeho bya bihe bidasanzwe by’umukwabu, byari byashyizweho Omar Al Bachir akimara guhirikwa ku butegetsi.
Abdel Fattah al-Burhane, umusirikare wa 2 uyoboye iki gihugu cya Soudan nyuma yuko Oma al Bachir abuhiritsweho mu gitondo cyo ku wa 4 w’iki cyumweru, kuri uyu wa Gatandatu yagejeje ijambo ku batuye igihugu, avuga ko afunguye abaturage bose bafunzwe bazira gukora imyigaragambyo.
Yategetse kandi ko n’ibihe bidasanzwe by’umutekano byari byashyizweho, ubwo Bachir yari akimara guhirikwa ku butegetsi nabyo bikurwaho. Ni umukwabu wagombaga kumara ukwezi ugakorwa kuva saa yine z’ijoro kugeza saa kumi z’urukerera.
Abdel Fattah al-Burhane, uyoboye ubu Soudan, yanijeje ko kuri ubu buyobozi bwe agiye kurandurana n’imizi ibisigisigi byose by’ubutegetsi bwa Omar al-Bachir.
Ikindi yiyemeje ngo ni ukugeza mu butabera, umuntu wese wishe umuturage wari mu myigaragambyo.
Inama nkuru ya gisirikare kandi, ari nayo iyoboye Soudan ubu, yemeye ubwegure bwa Salah Gosh wari ukuriye urwego rw’ubutasi.
Cyakora nubwo ibi byose bikorwa aho muri Soudan, abigaragambya bo ntibaratuza, bakomeje gusaba ko ubutegetsi bushyirwa mu maboko y’abacivile bukava mu maboko y’abasirikare.
Ubu abayoboye imyigaragambyo mu murwa mukuru Khartoum basabye abigaragambya kuguma mu mihanda.
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru