Sitting Volleyball: Amakipe y'u Rwanda yegeze muri Bosnia & Herzegovina - Amafoto

Amakipe y'u Rwanda mu bagabo n'abagore bakina umukino wa Sitting Volleyball, yageze muri Bosnia and Herzegovina gukina shampiyona y'Isi muri uyu mukino izatangira kuri uyu wa Gatanu tariki 4 isozwe tariki 11 Ugushyingo.

Mu gitondo cyo kuri uyu wa Gatatu tariki ya 2 Ugushyingo, ikipe y'igihugu y'abagore yakoze imyitozo ku mugoroba  barakina umukino wa gicuti na Iran mu gihe abagabo bari bukine na Iraq.

Ibihugu byitabiriye iyi Shampiyona y'Isi bituruka ku mugabane wa Afurika ni u Rwanda na Misiri naho ibindi bihugu ni: Brazil, USA, America, Iran, Iraq, Ubuhorandi, Finland, Ubuyapani, Hongiriya, Slovenia, Ubutariyani, Canada, Ukraine, Pologne, Serbia, Croatia, Ubudage, Ireland, Kazakhstan na Bosnia and Herzegovina yakiriye irushanwa.

Ibihugu byose bicumbitse muri Resorts Hotel Hills inafite ibibuga (Gymnasium) izajya ikinirwamo iyo mikino.

U Rwanda mu bagore ruri mu itsinda rya mbere hamwe na Bosnie, Ukraine na Poland.

Mu bagabo bari mu itsinda rya 4 hamwe na Misiri, Ukraine n'Ubahorandi.

Ruth Rigoga