Siporo ikwiye kuba umuco-Guverineri Kayitesi

Guverineri w’Intara y’Amajyepfo, Kayitesi Alice aravuga ko iyi Ntara itasigaye inyuma muri gahunda ya Siporo rusange, atangaza ko buri wese akwiye kwitabira iki gikorwa kuko itera ubuzima bwiza.

Avuga ko buri kwezi, abatuye iyi Ntara basigaye bakora siporo kabiri mu kwezi.

Yagize ati "Abatuye iyi ntara ntabwo basigaye inyuma muri gahunda ya siporo rusange kuko ikorwa mu ntara yose mu Turere 8,  ndetse n’abaturage basigaye bayitabira kandi bayibutsa, Siporo ikwiye kuba umuco kuko burya umuntu ku giti cye gukora ntabwo inshuro 2 zihagije.”

Avuga ko iyi siporo ifasha abayitabiriye guhabwa ubutumwa bwo kwirinda indwara zitandura no kubapima, ndetse n’utarafashe urukingo rwa Covid19 akaruhabwa.

Yatangaje ko ubu abantu basigaye baterana imbaraga bagakora siporo, bakaba bifuza ko hakongerwa ibikorwa remezo bifasha abakora siporo.