Shyorongi: Hari abaturage batewe impungenge n’abarwayi ba COVID19 batoroka

AGEZWEHO

  • MINALOC muri gahunda yo kubaka amarerero adaheza – Soma inkuru...
  • Perezida Kagame yitabiriye inama ya ICGLR yiga ku mutekano wa Centrafrika – Soma inkuru...

Shyorongi: Hari abaturage batewe impungenge n’abarwayi ba COVID19 batoroka

Yanditswe Jan, 14 2021 09:48 AM
2,938 Views



Bamwe mu baturage batewe impungenge n'ikibazo cya bagenzi babo banduye icyorezo cya Covid19 batubahiriza icyemezo cy’inzego z’ubuzima kibasaba kuguma mu ngo zabo ahubwo bo bagahitamo gusohoka uko bishakiye bajya mu baturage bagenzi babo.

Polisi y'u Rwanda ivuga ko abarenga kuri aya mabwiriza bakwiye gushyikirizwa inkiko bakabiryozwa.

Urugero ni mu Kagali ka Rutonde, Umurenge wa Shyorongi mu Karere ka Rulindo.

Umuturage wari uri mu kigo ngororamuco cy'agateganyo cya Tare  yatorotse muri iki kigo kandi afite ubwandu bw'icyorezo cya COVID19 ajya kugikwirakwiza mu baturanyi be.

Abaturanye na we bavuga ko batewe impungenge n'uko yatorotse akaba ashobora kubanduza ari benshi.

Umunyamabanga Nshingwabikorwa  w'Umurenge wa Shyorongi,  Asaba Gahima Emmanuel yemeje aya makuru,  avuga ko uyu muturage bamufatiye mu ishyamba ryo muri aka kagali ka Rutonde yihishe asubizwa mu kato.

Umuyobozi mukuru w'Ikigo cy'Igihugu cy'Ubuzima RBC, Dr Sabin Nsanzimana avuga ko muri iki gihe ubwandu bw'icyorezo cya COVID19 bwarushijeho kwiyongera, 90% by'abarwayi b'iki cyorezo bakaba barikwitabwaho bari mu ngo.

Hakaba hari bamwe batubahiriza amabwiriza yo kuguma mu ngo bakigendera, bikaba bishobora gutuma ubwandu bukwirakwira kurushaho.

Umuvugizi wa Polisi y'u Rwanda CP John Bosco Kabera avuga ko abaturage bapimwe bagasanga bafite ubwandu bwa COVID19, bagategekwa kuguma mu rugo ariko bakabirengaho,ngo ntibazihanganirwa kuko iki ari icyaha gihanwa n'amategeko.

Jean Paul TURATSINZE



Ba uwambere gutanga igitekerezo

Tanga igitekerezo:



RSS FEED

Perezida Kagame yatangaje ko hari abashoramari bakora inkingo biteguye kuzikorer

COVID19: U Rwanda rwatangiye gutanga doze ya kabiri y'urukingo rwa Pfizer

Perezida Kagame yavuze ko COVID19 yerekanye imbaraga zihishe Afurika yakubakirah

Uko isaha ya saa moya yubahirizwa mu turere 6 tw'Amajyepfo

Guverinoma yongeye kwibutsa abaturage kutadohoka ku ngamba zo kwirinda COVID19

COVID19: Gukingirwa ntibivuze kutandura cyangwa kutanduza- RBC irasaba abantu kw