Rutsiro: Polisi ifunze abantu 5 bacuruza amabuye y'agaciro bitemewe n'amategeko

Police y'u Rwanda ifunze abantu 5 bakekwaho gukora ubucukuzi bw'amabuye y'agaciro mu buryo bunyuranije n'amategeko.

Abagore 2 n'abagabo 3 bafatiwe mu karere ka Rutsiro ubwo police yaho yakoraga umukwabu mu murenge wa Rusebeya.

Police kandi yabafatanye ibiro 1438 bya gasegereti na 702 bya coltan.

Uyu mukwabu wari wakozwe mu rwego rwo kurwanya ubucukuzi bw'amabuye y'agaciro butemewe n'amategeko ndetse no gukumira iyangizwa ry'ibidukikije ribuherekeza.

Police ivuga ko abo bantu baba batumwe n'abagura amabuye y'agaciro kujya kuyabacukurira mu birombe, noneho bagaruka bakabaha amafaranga.

Nk'uko biri ku rubuga rwa police y'u Rwanda, umuntu wese ufatiwe mu bikorwa birebana no gushakisha cg kugurisha amabuye y'agaciro atubahirije amategeko abigenga, ahanishwa igifungo gishobora kugera ku mwaka n'ihazabu y'amafranga ari hagati ya miliyoni 3 na miliyoni 10.