Yanditswe Apr, 04 2019 19:53 PM | 7,375 Views
Bamwe mu bagize inteko z'abunzi ku nzego z'utugali n'imirenge
mu karere ka Rusizi baravuga ko batazi impamvu hari bamwe muri bo bishyurirwa
ubwisungane mu kwivuza abandi ntibabikorerwe nk'uko biteganywa n'itegeko;
ibintu bavuga ko bibaca intege muri uyu murimo bakora.
Bamwe mu batarishyuriwe baca imanza mu Murenge wa Gashonga. Babwiye RBA ko guha ubwishingizi bamwe ukareka abandi kandi bose bahuriye ku nshingano zimwe, bituma bagenda bacika intege nk’uko Mukandanga Adela na na Kayihura Vedaste bagize komite y’abunzi b’ubujurire mu Murenge wa Gashonga babivuga.
Aba bunzi bavuga ko mu mwaka ushize wa 2018, ari bwo hagaragaye iki kibazo cyabo cyo kutishyurirwa ubwisungane mu kwivuza bo n'imiryango yabo nkuko byari biteganyijwe.
Urwego rw’inzu y’ubufasha mu by’amategeko MAJ, rukurikirana by’umwihariko abunzi bo mu Karere ka Rusizi, ruvuga ko kuba hari abatarishyuriwe ubwishingizi byatewe n'ikibazo cy'ikoranabuhanga ritahujwe neza bigatuma bamwe bayahabwa abandi ntibayabone. Gusa bizezwa ko ubu byamaze gukosorwa ku buryo ayo mafaranga yageze mu Mirenge, kugira ngo abiyishyuriye ubwishingizi bayasubizwe, nk'uko byemezwa na Rubagumya Antoine uyobora MAJ mu Karere ka Rusizi.
Gahunda yo kwishyurira ubwishingizi abagize inteko z'abunzi yatangiranye n’izi nteko ubwo zajyagaho mu mwaka wa 2004. Buri wese yari yemerewe kutarenza abantu 5 mu muryango, bityo agafatira hamwe ibihumbi 15 by'amafaranga y'u Rwanda.
Mu karere ka Rusizi habarurwa abunzi 777; abahuriye
kuri iki kibazo cyo kuba batarishyurirwa ubwisungane mu kwivuza bw’umwaka ushize ni 186, bakaba bavuga ko mu
gihe bidakosowe vuba byazakomeza kubagiraho ingaruka no mu mwaka utaha
w’ubwisungane mu kwivuza.
Didier Ndicunguye - RBA/Rusizi
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru