AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Police HC yatangiye Shampiyona iseruka neza (Amafoto)

Yanditswe Mar, 23 2024 20:21 PM | 143,035 Views



Shampiyona y'Igihugu mu mukino wa Handball yatangiye kuri uyu Gatandatu tariki ya 23 Werurwe 2024 aho Police HC yerekeje mu Ntara y'Amajyepfo mu Karere ka Ruhango mu Ishuri ryisumbuye rya Kigoma (ES Kigoma) aho yatsinze imikino ibiri.

Mu mukino wa mbere, Police HC yatsinze Ikipe ya Kaminuza y'u Rwanda, Ishami rya Rukara (UR-Rukara) ibitego 49 kuri 13. Ni wo mukino usa nk'uworoheye cyane Police HC kuko igice cya mbere cyarangiye iwuyoboye ku bitego 25-6.

Nyuma yaho hakurikiyeho umukino wahuje Police HC na ES-Kigoma. Iyi kipe yari iwayo yagerageje kwirwanaho kuko igice cya mbere cy'umukino cyarangiye Police HC iyitsinze ibitego 17 ku 10, umukino wose urangira iwutsinze ibitego 33 kuri 13.

Umutoza wa Police HC, Rtd CIP Antoine Ntabanganyimana, yifashishije abakinnyi bose ahereye ku bo aherutse kuvana mu Ikipe ya Gicumbi HT ari bo Kayijamahe Yves na Akayezu André uzwi ku izina rya Kibonge. Mu izamu yabanjemo Uwimana Jackson, imbere ye hari Kubwimana Emmanuel, Umuhire Yves na Rwamanywa Viateur na Mbesutunguwe Samuel.

Yashimiye abakinnyi be ariko abasaba kutirara kuko Shampiyona ari bwo igitangira.

Ati "Abakinnyi banjye bakinnye neza, bakurikije amabwiriza nari nabahaye none dutahanye intsinzi. Nta kwirara kuko turacyari mu cyiciro kibanza (Phase Aller), kandi tuzagira n'imikino yo kwishyura. Iyi Shampiyona igizwe n'amakipe icyenda kandi yose azahura ndetse habe n'imikino yo kwishyura. Urugendo ruracyari rurerure, nta kwirara."

Rtd CIP Ntabanganyimana yashimiye ubuyobozi bwa Polisi y'u Rwanda buhora hafi y'ikipe, anashimira abakunzi ba Police HC bahora bayishyigikira.

Yakomeje ati "Ubuyobozi bwa Police HC bukora ibishoboka byose kugira ngo iyi kipe ikomeze kwitwara neza. Duherutse kwerekana abakinnyi umunani bose baherutse kwinjira mu ikipe kugira ngo bongeremo amaraso mashya, birimo gutanga umusaruro."

Ku Cyumweru, tariki ya 24 Werurwe 2024, Police HC izerekeza mu Ntara y'Amajyaruguru mu Karere ka Gicumbi aho izacakirana na Gicumbi HT na ADEGI-Gituza.



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura