Perezida Kagame yavuze ko byabaye mu Rwanda nta gishobora gutuma bisubira

Perezida wa Repubulika y’u Rwanda, Paul Kagame yashimangiye ko nta gishobora gutuma ibyabaye mu Rwanda, abantu bakicana byongera kuba ukundi; yabivuze mu gutangiza kwibuka ku nshuro ya 25 Jenoside yakorewe Abatutsi.

Ni ijambo yavugiye kuri Kigali Convention Centre, nyuma yo gucana urumuri rw’icyizere ku rwibutso rwa Jenoside rwa Gisozi; kuri iki Cyumweru tariki 7 Mata 2019.

Ni umuhango witabiriwe n’abanyacyubahiro banyuranye barimo abakuru b’ibihugu na za Guverinoma baturutse mu bihugu bya Chad, Congo Brazzaville, Djibouti, Niger, Belgium, Canada, Ethiopia, Umuryango wa Afurika Yunze Ubumwe, Umuryango wa European Union n’abandi.