Yanditswe Feb, 07 2021 19:39 PM | 20,050 Views
Perezida wa
Repubulika Paul Kagame arasaba ikipe y’igihugu y’umupira w’amaguru, Amavubi,
kubakira ku musaruro mwiza yagize mu marushanwa ya CHAN ikazibukira imyitwarire
idahwitse ishobora gusubiza inyuma intambwe imaze kugeraho.
Ibi bikubiye mu butumwa yagejeje ku bagize iyi kipe ubwo yahuraga nabo kuri iki Cyumweru.
Iki kiganiro Perezida Paul Kagame yagiranye n’abagize ikipe y’igihugu y’umupira w’amaguru cyabereye i Nyamata mu Karere ka Bugesera aho iyi kipe ikunda gukorera umwiherero mu gihe yitegura amarushanwa mpuzamahanga.
Ni ikipe y’Amavubi yagarukiye muri kimwe cya kane cy’irushanwa ry’amakipe y’ibihugu bya Afrika agizwe n’abakinnyi b’ama clubs y’imbere mu bihugu. Mu mikino 4 Amavubi yakinnye muri iryo rushanwa, yanganyije 2, atsinda umwe anatsindwa undi, umusaruro Perezida Paul Kagame asanga atari mubi.
Ku ruhande rw’abakinnyi, abatoza n’abandi bagize ikipe y’igihugu Amavubi, ngo impanuro z’umukuru w’igihugu ziri mu byabateye akanyabugabo kugirango babashe kwitwara neza muri CHAN.
Minisitiri wa siporo Aurore Munyangaju Mimosa we avuga ko gutegura abakinnyi hakiri kare kandi bigahera mu bakiri bato biri mu byo iyi minisiteri ishyize imbere kugirango Amavubi arusheho gutanga umusaruro.
Ku rundi ruhande ariko Perezida Paul Kagame asaba abakina mu ikipe y’igihugu kubakira ku kinyabupfura n’imyitwarire myiza, gukora cyane no kwigirira icyizere aho kurangazwa n’amarozi yakunze kuvugwa mu mupira wo mu Rwanda no muri Afurika muri rusange.
Abakunzi ba siporo, basanga umwanya umukuru w’igihugu yageneye ikipe y’igihugu Amavubi ushimangira ubushake afite bwo guteza imbere siporo nyuma yaho mu mpera za 2019 ashyizeho Minisiteri ya Siporo ukwayo igatandukanywa n’iy’urubyiruko n’umuco.
Divin UWAYO
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru