Perezida Kagame ari muri Jordan kwitabira inama ihuza Afurika y'Iburasirazuba

Perezida wa Repubulika Paul Kagame akaba n'umuyobozi w'umuryango wa afurika yunze ubumwe yageze mu gihugu cya Jordan ku butumire bw'umwami Abdullah II Al Hussein mu nama ihuriza hamwe abakuru b'ibihugu na za guverinoma b'ibihugu byo mu burasirazuba bwa afurika iri kubera mu mujyi Aqaba.

Muri iyi nama y'iminsi ibiri abakuru b'ibihugu na za guverinoma b'ibihugu byo mu burasirazuba bwa afurika baraganira ku bibazo byugarije isi muri rusange by'umwihariko ku ngamba zo kugarura amahoro aho yabuze ,ibibazo by'umutekano, iterabwoba n'ingamba zo kurirwanya.

Muri iyi nama kandi harimo n'izindi nzego nk' Umuryango wo gutabarana hagati ya amerika ndetse n'uburayi, NATO, umunyamabanga wa Leta Zunze Ubumwe za Amerika  ushinzwe umutekano imbere mu gihugu, Canada ihagarariwe na ministiri w'ingabo,  ndetse n'ubuyapani buhagarariwe n'umuyobozi mukuru w'ikigo gishinzwe kurwanya iterabwoba.