Nyagatare: Umwana na nyina bishe rubozo ihene 33 z'abaturanyi

Umwana na Nyina barakekwaho kwica urw’agashinyaguro Ihene 33

Umugore w’imyaka 57 n’umuhungu we w’imyaka 32 batawe muri yombi bakekwaho kwica ihene 33 z’aborozi bitwa Frank Muzungu na Mugenyi Ernest.

Abo batawe muri yombi, ni abo mu mudugudu wa Kirebe, akagali ka Kirebe mu murenge wa Rwimiyaga mu karere ka Nyagatare. Bakekwaho kwica agashinyaguro ihene 33 zirimo 16 zahakaga.

Nyiragicali w’imyaka 57 n’umuhungu we Mulisa w’imyaka 32 kuri ubu bafungiye kuri station ya Polisi ya rwimiyaga bakekwaho gutanga ababwiriza yo kwica urw'agashinyaguro ihene 33 z’umworozi witwa Frank Muzungu na Mugenyi Ernest.

Nyiragicali ngo yabwiye abashumba be bafata ihene 33 zari zarenze uruzitiro bazikingirana mu kazu kari mu ifamu ye, bazikubitiramo amahiri, bazijombagura amacumu, n’ibyuma munda y’amaganga, izindi baraziniga, bazica nabi cyane barangije bakingirana imirambo yazo muri iyo nzu.