Ngoma: Imibiri y’abatutsi hafi 800 imaze kuboneka i Rukumberi

AGEZWEHO

  • Mu Rwanda, 30% by’abicwa n’indwara zitandura baba bazize iz’umutima-RBC – Soma inkuru...
  • Mu Gushyingo amashuri yose azaba yafunguye imiryango-MINEDUC – Soma inkuru...

Ngoma: Imibiri y’abatutsi hafi 800 imaze kuboneka i Rukumberi

Yanditswe Sep, 16 2020 18:38 PM
43,237 Views



Imibiri 90 ni yo yabonetse uyu munsi mu gikorwa cy’umuganda abaturage bo mu Murenge wa Rukumberi mu Karere ka Ngoma babyukiyemo bashakisha imibiri y’abatutsi biciwe mu nkengero z’ikiyaga cya Mugesera.

Iki cyumweru ni icya gatatu bashakisha iyo mibiri, ubuyobozi bw’akarere buravuga ko imaze kuba 787.

Abaturage mu Murenge wa Rukumberi kuri uyu wa Gatatu bakomeje umuganda wo gushakisha ku nkengero z'ikiyaga cya Mugesera imibiri y'abatutsi biswe muri Jenoside yakorewe abatutsi.

Kabandana Callixte uyoboye Ishyirahamwe ry’Abarokotse Jenoside yakorewe Abatutsi mu 1994 mu Murenge wa Rukumberi ndetse n’abandi barokotse Jenoside bavuga  aha mu nkengero za Ikiyaga cya Mugesera haguye abatutsi benshi.

Umuyobozi w’Akarere ka Ngoma Nambaje Aphrodis aravuga ko akarere kagiye kunganira umuganda w’abaturage mu kwihutisha igikorwa cyo gushakisha imibiri.

Uretse aha ku nkengero za z'ikiyaga cya Mugesera kuva mu kwezi kwa kane uyu mwaka hari n’indi imibiri yabonetse ahantu hanyuranye muri Rukumberi ibarirwa mu 100.’

Iyi mibiri irashyirwa mu rwibutso rwa Rukumberi ikazashyingurwa mu cyubahiro.

Umurenge wa Rukumberi ufite mateka yihariye muri Jenoside yakorewe abatutsi mu Rwanda, urwibutso rwa Rukumberi rushyinguyemo  imibiri isaga ibihumbi 40.


AKIMANA Latifat



Ba uwambere gutanga igitekerezo

Tanga igitekerezo:



RSS FEED

U Buholandi bwataye muri yombi Ndereyehe wakoze jenoside yakorewe Abatutsi

Byinshi wamenya kuri Edouard Karemera wahamijwe jenoside wapfiriye muri gereza m

Tariki 9 Kamema 1994: Guverinoma yemeje uburyo bwo gukomeza 'auto defense c

Tariki 5 Kamena 1994:Inama y'ingabo na jandarumori yo gukaza intambara no k