Minisitiri Dr Utumatwishima mu bitabiriye igitaramo cyo kwizihiza imyaka ibiri ya Gen Z Comedy Show

Minisitiri w’Urubyiruko n’Iterambere ry’Ubuhanzi, Dr Utumatwishima Jean Nepo Abdallah yifatanyije n’ibihumbi by’abiganjemo urubyiruko mu gitaramo cy’urwenya cyizihirijwemo imyaka ibiri ishize haba Gen Z Comedy Show.

Ni igitaramo cyabaye mu ijoro ryo ku wa Kane, cyitabirwa n’abarenga ibihumbi bitatu, bari buzuye mu ihema rinini ryo muri Camp Kigali. 

Abitabiriye basekejwe n’abarimo abanyarwenya bubakiye izina muri Gen Z, nka Muhinde, Isacal, Umushumba, Clement Inkirigito, Mavide na Pazzo n’abandi.

Uretse abo ariko, hari hatumiwe abanyarwenya bamaze kugera kuri byinshi muri uyu mwuga barimo Patrick Salvador Idringi na Dr. Hilary Okello bo muri Uganda, Nkusi Arthur, Rusine, Killaman na Dr Nsabii n’abandi.

Gen Z Comedy Show, ni umushinga watangijwe n’Umunyarwenya Ndaruhutse Merci wamamaye nka Fally Merci. Yari agamije gushyira mu bikorwa umushinga n’amasomo yakuye mu irushanwa rya Art Rwanda- Ubuhanzi.

                                                               Abitabiriye igitaramo basetse karahava (Ifoto/ Gen-Z)

Safa Claudia Uwingeneye