AGEZWEHO

  • Ambasaderi Rutabana yagaragaje uko u Rwanda rwaharaniye ubudaheranwa nyuma ya Jenoside – Soma inkuru...
  • Ni igikorwa kigayitse ku Bufaransa- Amb. Anfré avuga ku bakozi babo bishwe muri Jenoside – Soma inkuru...

Madamu Jeannette Kagame yahembye Inkubito z’Icyeza

Yanditswe Mar, 22 2024 15:58 PM | 170,750 Views



Madamu wa Perezida wa Repubulika Jeannette Kagame avuga ko bimwe mu bigaragaza kwibohora k’u Rwanda mu myaka 30 ishize ari uko umwana w’umukobwa ahabwa amahirwe yo kwiga no kwiteza imbere nka musaza we.

Ibi yabivuze kuri uyu wa Gatanu mu muhango wo guhemba abakobwa b’Inkubito z’Icyeza.

Iki gikorwa kiba mu rwego rwo gushishikariza no gukangurira abana b’abakobwa kwitabira amashuri no kurushaho gutsinda neza amasomo yabo.

Uyu mwaka abazahembwa ni  951 barangije mu myaka y’amashuri 2, uwa 2021-2022 ndetse n’uwa 2022-2023, mu gihugu hose.

kuri uyu wa Gatanu by’umwihariko, Madamu Jeannette Kagame yahembye abakobwa 216 baturutse mu bigo bitandukanye abandi 735 bakazahemberwa ku bigo byabo.

Madamu Jeannette Kagame avuga ko impamvu bakomeza gushyira imbaraga mu gushyigikira uburezi bw’umwana w’umukobwa ari ukugira ngo ibikimundindiza nk’inda zitateganyijwe,amakimbirane mu miryango no kuva mu ishuri kubera inshingano zo mu rugo n’ibindi birandurwe burundu.

Yabasabye kutareberera ikibi ahubwo bagafata iyambere mu kukirwanya no guharanira impinduka nziza ziteza imbere igihugu cy’u Rwanda.

Yashimye intambwe imaze guterwa mu burezi bw’umwana w’umukobwa ndetse ashimangira ko bimwe mu bigaragaza kwibohora k’u Rwanda mu myaka 30 ishize ari uko ubu nawe ahabwa amahirwe angana n'aya musaza we akiteza imbere.

Bamwe muri aba bana b’abakobwa bahembwe bavuga ko iki gikorwa ari imbarutso yo kurushaho gukora neza no gutanga umusanzu wabo mu kubaka igihugu.

Bimwe mu bihembo aba bana b'abakobwa bahawe harimo ibikoresho by’ishuri, ibikoresho by’isuku ndetse n'amafaranga abafasha kugira ngo batangire kwiga umuco wo kwizigamira bakiri bato.

Imibare igaragaza ko mu myaka 10 ishize umubare w’abana b’abakobwa binjira mu mashuri abanza wiyongereyeho 12% na ho muyisumbuye hiyongeraho 45%.

Guhemba Inkubito z’Icyeza, ni igikorwa cyatangijwe na Madamu Jeannette Kagame binyuze mu Muryango Imbuto Foundation mu 2005.

Kugeza ubu, abana b’abakobwa 6,681  ni bo bamaze guhabwa ibihembo binyuze muri iyi gahunda. ‎


Ntete Olive



Ba uwambere gutanga igitekerezo

Tanga igitekerezo:



RSS FEED

U Rwanda na Georgia byemeranyije ubufatanye mu bya politiki na diplomasi

Hashyizweho uburyo bwo kwireba no kwiyimura kuri lisiti y’itora hakoreshej

FERWAFA yanyuzwe n'umusaruro w'Amavubi mu mezi ane ashize

RHA yahumurije abubakishije amakaro yo mu bwogero ku nkuta z’inzu z’

Gakenke: Imirimo yo kubaka Umudugudu w’Icyitegererezo uzatuzwamo abahoze m

Karongi: Inzobere z’abaganga ba RDF zatangiye kuvura abaturage ku buntu

Abamotari batakambye ku biciro by’ubwishingizi birushaho gutumbagira

Rubavu: Abarokotse Jenoside baravuga ko ubuvuzi bahawe na Leta bwatumye bagarura