Yanditswe May, 13 2021 17:49 PM | 46,181 Views
Bamwe mu baturage hirya no hino mu gihugu baravuga ko babangamiwe
n'izamuka ry'ibiciro by'ifarini n'amavuta, kuko byiyongereye ku buryo
butunguranye kandi n'ubukungu bwa bamwe bukaba buhagaze nabi kubera icyorezo
cya Covid-19.
Ministeri y’Ubucuruzi n’Inganda yo yavuze ko igiye gufata umwanya wo gusobanurira abaturage impinduka zabayeho, ariko ko ibura ry’ibicuruza bimwe na bimwe biri guterwa n’ingaruka z’icyorezo cya Covid-19.
Izamuka ry'ibiribwa bikomoka ku ifarini ndetse n'amavuta yo guteka, byavugishije benshi ngo kuko ibiciro byabyo byagiye hejuru cyane ugereranyije n’ibiciro byari bisanzwe.
Ku ruhande rw'abacuruzi bo bavuga ko ibyo bacuruza byazamutse, bityo bikaba biri kubateranya n'abakiriya bakagira icyo basaba ubuyobozi.
Umuyobozi w'uruganda rutunganya ifarini rwa AZAM, Ndagano Farjallah we avuga ko ikibazo kidaturuka kubatunganya ifarini cyangwa ibindi, ahubwo ikibazo kiri ku isoko mpuzamahanga.
Minisiteri y’Ubucuruzi n’Indanda ivuga ko iki kibazo ikizi, ariko kitari ku isoko ry’u Rwanda gusa ahubwo kiri ku ruhando mpuzamahanga.
Umuyobozi ushinzwe iterambere ry’ubucuruzi muri iyi Minisiteri, Karangwa Cassien yagize ati “Ikibazo turakizi, ntabwo ibi biciro byazamutse ku isoko ry’u Rwanda gusa ahubwo no ku isoko mpuzamahanga niko bimeze, ariko biraterwa n’ibihe bya covid-19 kuko ibihugu byinshi byagiye bihagarika imirimo n'abakozi, bigatuma ibintu bibura ibindi bikazamuka.”
“Ikindi ni uko ibihugu birimo u Bushinwa birimo biragura ibinyamenke birimo Soya n’ibindi, bigatuma ibiciro bizamuka."
Ministeri y’Ubucuruzi n’Inganda ivuga ko igiye gufata umwanya wo gusobanurira abaturage izi mpinduka zabayeho.
Uwitonze Providence Chadia
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru