MINEDUC yasabye ababyeyi gufatanya n'ubuyobozi bw'ibigo by’amashuri muri gahunda yo gufatira amafunguro ku ishuri

Minisiteri y'Uburezi yasabye ababyeyi gufatanya n'ubuyobozi bw'ibigo bw'amashuri, kugira uruhare muri gahunda yo gufatira amafunguro ku ishuri.

Mu kiruho cya saa sita, Umumararungu Phionah mu gihe ategereje ifunguro, arimo gusubira mu masomo ye, mu minota mike amafunguro arabonetse.

Phionah ashimira iyi gahunda kuko hari ibyo yahinduye mu myigire yabo.

Nubwo bashima iyi gahunda, kugira ngo barye ababyeyi babo bagomba kwishyura ibihumbi 12 Frw buri gihembwe nk'uruhare rwabo, ni amafaranga bamwe mu babyeyi hirya no hino mu gihugu bagaragaza ko ari menshi.

Minisiteri y'Uburezi igaragaza ko mu iterambere ry'iyi gahunda ababyeyi nabo bagomba kubigiramo uruhari kandi anasobanura ko uruhare atari amafaranga gusa, kuko n'ibiribwa cyanga umubyizi nabyo aringenzi muguteza ikigikorwa imbere.

Umuyobozi w'Ishami ry'Umuryango w'Abibumbye ryita kubiribwa mu Rwanda, Edith Heines yavuze ko ashima imbaraga u Rwanda rwashyizemo mu guteza imbere iki gikorwa.

Yagize ati "Ntewe ishema no gukorana na leta y’ u Rwanda kuko guverinoma yita kubana kandi bazirikana ko abana ari ahazaza higihugu, porogaramu yose itangira ihura nimbogamizi rero bitwara igihe kugirango bigere ku rwego wifuza, WFP izakomeza gukorana n’ u Rwanda kuko umushing w’ubufatanye dufite uzageza kuri 2025, rero tuzakomeza kugabururrira abana mu mashuri kuko ubu tugeze ku barenga 1700 mu turere tumwe na tumwe dukunze kugira izuba rimara igihe hakaba ikibazo cy’ibiribwa ariko tuzakomeza no gukorana na guverinoma mu kurushaho kubaka iyi gahunda."

Ibi bikozwe mu gihe kuri uyu wa Mbere hatangijwe icyumweru cyahariwe kuzirikana no guteza imbere ibikorwa byo kugaburira abana ku ishuri, iki cyumweri kiri mu rwego rwo kwizihiza umunsi wo gutangira amagunguro ku ishuri muri afurika wizihijwe ku nshuro ya 7.

Fiston Felix Habineza