Yanditswe Dec, 26 2021 19:12 PM | 105,369 Views
Ku munsi ubanziriza Noheli abantu basaga ibihumbi 5 nibo bafatiwe mu makosa yo kurenga ku mabwiriza yo kwirinda Covid19, gusa Polisi y’u Rwanda ikaba iravuga ko umutekano ku munsi wa Noheli wagenze neza.
Abakora imirimo itandukanye mu mujyi wa Kigali bo bavuga ko barimo gukaza ingamba zo kwirinda icyorezo cya Covid19, kuko kwirara
bigira ingaruka zikomeye ku buzima bwabo.
Muri iyi minsi mikuru, hirya no hino mu mujyi wa Kigali abaturage baba bari mu mirimo y'ubushabitsi itandukanye, niko hari n'abahaha ibicuruzwa by'ubwoko butandukanye kugira ngo barusheho kuryoherwa n'iminsi mikuru.
Hari abagaragaza ko amafaranga arimo kuboneka muri iyi minsi mikuru
ariko bakagira impungenge z'imikorere yabo, mu gihe imibare y'abandura covid19
yakomeza kuzamuka.
Nzayisenga Samuel yagize ati "Tugerageza kubahiriza ingamba, tugahagarara muri metero kugira ngo hataba ubucukike, iyi ndwara ni ikibazo kitubangamiye."
Muri iyi minsi mikuru Polisi y'u Rwanda ivuga ko hari abaturage bakomeje kurenga ku mabwiriza yo kwirinda Covid-19, aho ku munsi ubanziriza Noheli hafashwe abantu barenga ibihumbi 5 barenze ku mabwiriza ndetse n'abandi barenga 1200 bafashwe batubahirije isaha yo kugera mu rugo.
Ijoro ryakeye ho hafashwe barenga 4600 barenze ku mabwiriza mu gihe abarengeje amasaha yo kugera mu rugo bo ari 1100.
Umuvugizi wa Polisi, CP John Bosco Kabera avuga ko uku kutubahiriza amabwiriza yo kwirinda Covid-19 gushobora kuba intandaro y'ikwirakwira ry'icyorezo, abantu bakwiye kwizihiza iminsi mikuru birinda n'icyorezo.
"Nibizihize umwaka mushya wa 2022
baheje iki cyorezo, aho muhuriye muvuge muti turaheza Covid19, kugira ngo abantu bumve ko twatangira umwaka mushya
twese turi bazima tukaba tubasaba kutadohoka kuko icyorezo kiracyahari
cyahinduye isura ariko ntaho cyagiye, bumve ko ingamba zose zihari ari izo kugira ngo zibarinde."
Inzego z'ubuzima zigaragaza ko icyorezo cya Covid-19 cyubuye umutwe bituma n’umubare w’abandura urimo kuzamuka cyane mu mujyi wa Kigali.
Polisi y'u Rwanda iravuga ko umutekano ku munsi wa Noheli wagenze neza muri rusange ndetse nta n'impanuka njyana muntu yabaye.
Kwizera John Patrick
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru