AGEZWEHO

  • Minisiteri y'Ibidukikije yahagurukiye ikibazo cy’imiswa yangiza imyaka n’ibiti mu Ntara y'Iburasirazuba – Soma inkuru...
  • MINALOC yasabye abayobozi b'inzego z'ibanze baherutse gutorwa kwirinda kwegura no kweguzwa – Soma inkuru...

Kiyumba TVET School igiye kwakira amasomo ya Coding

Yanditswe Aug, 24 2022 16:40 PM | 139,447 Views



Mu ntangiriro z’umwaka w’amashuri 2022-2023 ishuri ry’imyuga rya Kiyumba, riratangirana n’ishami rya coding ryigisha ibijyanye no gukora program za mudasobwa, abasanzwe biga kuri iri shuri bavuga ko muri rusange iki kigo cyatangiye kugaragaza impinduka muri aka gace.

Umwaka urashize abanyeshuri aba mbere basoje amasomo mu myuga itandukanye muri TVET Kiyumba, hari abavuga ko iki ari igikorwa remezo cyazanye icyizere cy’iterambere mu rubyiruko bishingiye ku bumenyi ngiro. 

Hagenimana Baptiste arangije umwaka mu ishami ry’ubwubatsi, we na bagenzi be bahamya ko ikoranabuhanga ari kimwe mu bizamufasha kunoza umwuga w’ubwubatsi cyane ko bibafasha kwiga mu buryo bugezweho.

Mu rubyiruko rwo muri aka gace harumvikanamo icyizere cyo gukemuka kw’ikibazo cy’ibura ry’akazi kubera iri shuri bahawe na Perezida Paul Kagame. Ikindi bishimira ni ukuba barubakiwe ishuri rigezweho bagereranyije n’andi basanzwe babona muri aka gace cyangwa hirya no hino cyane mu bice by’icyaro.

Kugeza ubu umubare w’abana biga muri iri shuri ntabwo uhwanye n’ubushobozi bwaryo, ubuyobozi buravuga ko ku bufatanye n’inzego zirikuriye uyu mwaka ugiye gutangira hazatangizwa ishami ryigisha ibijyanye no gukora program za mudasobwa. 

Ingabire Domitila uriyoboye avuga ko iri shami ubwaryo buzazamura izina n’agaciro k’iki gikorwa remezo.

Kiyumba TVET School rifite ubushobozi bwo kwakira abana babarirwa muri 700 ariko uyu mwaka ushize ryari ryigiwemo na 140. 

Mu byumba 20 byagenewe kwigirwamo hakoreshejwe umunani gus, abana bahacumbikiwe bari 70 nyamara hari imyanya y’abagera kuri 400. 

Abarimu bahigisha ubu ni 23 ariko mu mwaka utaha TVET Kiyumba izongerwa batandatu cyane ko hazaba hari n’amashami mashya.


Alexis Namahoro



Ba uwambere gutanga igitekerezo

Tanga igitekerezo:



RSS FEED

Minisiteri y'Ibidukikije yahagurukiye ikibazo cy’imiswa yangiza imyak

MINALOC yasabye abayobozi b'inzego z'ibanze baherutse gutorwa kwirinda

Imibare y'abanyeshuri bava mu mashuri yigenga bakajya mu mashuri ya Leta ik

Nibona nk'umwana wavukiye mu Rwanda kuko nasubiye ku ibere - Uwavuye muri L

U Rwanda na Singapore byiyemeje kurushaho guteza imbere ubutwererane hagati yaby

Amashuri yongeye gufungura imiryango muri Cabo Delgado