Yanditswe Mar, 26 2024 18:28 PM | 120,831 Views
Inteko rusange y’Umutwe w'Abadepite yasabye Minisiteri y'Ibikorwaremezo, gukemura mu gihe kitarengeje amezi 6 ikibazo cy'imiryango 80 yo mu Karere ka Kirehe yasenyewe n'ibikorwa byo kubaka urugomero rw'amashanyarazi rwa Rusumo, ikaba ikeneye kubakirwa inzu nshya n’indi miryango 35 ikeneye gusanirwa.
Hashize iminsi humvikana amajwi ya bamwe mu baturage bo mu Karere ka Kirehe baturiye urugomero rw'amashanyarazi rwa Rusumo, bavuga ko inzu zabo zasenywe n'imirimo yo kubaka uru rugomero.
Ituritswa ry'intambi niryo ryabaye nyirabayazana mu isenyuka ry'inzu z'abaturage, bamwe mu bagize Inteko Ishinga Amategeko umutwe w'Abadepite bibaza impamvu uyu mushinga wagiye gutangira hatarakozwe inyigo inoze itari gushyira ubuzima bw'abaturage mu kaga.
Komisiyo ishinzwe kugenzura ikoreshwa ry'imari n'umutungo by'Igihugu mu mutwe w'Abadepite, yasabye Minisiteri y'Ibikorwaremezo gukemura iki kibazo mu mezi atandatu gusa, binashyigikirwa n’Inteko rusange.
Kugeza ubu imiryango 80 ni yo yasenyewe ku buryo igomba kubakirwa inzu nshya mu gihe indi isaga 35 igomba gusanirwa inzu.
Iyi komisiyo kandi itangaza ko habayeho imicungire mibi mu ikoreshwa ry'amafaranga muri uyu mushinga, kubera izo mpamvu, Megawati 80 urugomero rwari kujya rutanga, zizagabanuka ku gipimo cya 14%.
Callixte KABERUKA
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru