Kicukiro: Abasore n'inkumi 17 bafashwe bari mu birori banywa inzoga

Mu rugo rw'umuturage ruherereye mu kagali ka Kanserege, mu murenge wa Kagarama akarere ka Kicukiro, Polisi y'u Rwanda yahafatiye abasore n’inkumi 17 bari mu birori, kandi binyuranye n’amabwiriza yo kwirinda icyorezo cya COVID19.

Ni igikorwa bamwe muri uru rubyiruko rwafashwe ruvuga ko rwagitangiye mu masaha y'umugoroba yo kuri uyu wa Gatandatu banywa inzoga burinda bucya kugeza kuri iki cyumweru mu saa tatu ubwo polisi yabafataga.

Umuyobozi Nshingwabikorwa w'Akarere ka Kicukiro Solange Umutesi avuga ko bagiye gukurikirana bakareba niba nta bayobozi bahishira bo mu nzego z’ibanze bakingira ikibaba bene ibi bikorwa.

Umuvugizi wa Polisi y'u Rwanda CP John Bosco Kabera avuga ko uru rubyiruko rwatawe muri yombi kubera amakuru bahawe n'abaturage. Gusa ngo rugomba kubibazwa kandi rukanipimisha COVID19 kugira ngo hamenyekane niba rutahanduriye.

Jean Paul TURATSINZE