Kayonza: Muri Mukarange hatangiye gushakishwa imibiri y’abazize jenoside yakorewe Abatutsi

Ahitwa Midiho mu Murenge wa Mukarange w’Akarere ka Kayonza, kuva kuri uyu wa Gatanu hatangijwe igikorwa cyo gushakisha imibiri y’abazize jenoside yakorewe Abatutsi mu 1994.
Iyi mibiri irashakishwa hifashishijwe imashini icukura ahantu hatandukanye hagendewe ku makuru yatanzwe na bamwe mu bagize uruhare muri jenoside yakorewe Abatutsi.
Kugeza ku mugoroba w’uyu wa Gatandatu, imibiri yari itaraboneka ngo izashyingurwe mu cyubahiro n’ubwo bamwe bagifite icyizere ko izaboneka kubera amakuru yatanzwe.

Aho Midiho harakekwa abahiciwe bari hagati ya 200 na 500.