Yanditswe Nov, 28 2020 21:03 PM | 76,546 Views
Bwa mbere mu mateka kuri uyu wa gatandatu
u Rwanda rwabonye kardinali. Uwo ni Arkiyepiskopi wa Kigali Antoni KAMBANDA
waherewe ubukardinali i Vatikani mu muhango wayobowe n’ umushumba wa Kiliziya
Gatolika ku isi Papa Francis.
Muri uyu muhango wabereye i Roma mu
Butaliyani ku cyicaro gikuru cya Kiliziya gatolika abasenyeri 13 ni bo bahawe
ubukardinali barimo na arkiyepiscopi wa Kigali Antoni KAMBANDA.
Ni umuhango waranzwe n’ amasengesho ariko atarimo igitambo cya Misa ashimangira ko bahamagarirwa gusa na Yezu Kristu wabatoye. Ibi kandi bikagaragarira mu birango bahabwa birimo ingofero n’ikanzu by’ ibara ritukura.
Abakardinali bashya kandi banahabwa urwandiko rubaha ubwo bubasha runatuma banagira kiliziya bahabwa byumwihariko I Roma. Ku bakristu ba kiliziya gatolika iyi nkuru yakirwanwe ibyishimo ariko kandi ngo hari n’ umukoro bitanga.
Padiri Jean Bosco NTAGUNGIRA avuga ko kuba u Rwanda rubonye umukardinali nyuma y’ amateka asharira rwanyuzemo bifite icyo bivuze.
Kardinali Kambanda w’ imyaka 62 y’ amavuko ageze kuri uru rwego nyuma y’ imyaka 30 ahawe ubupadiri kuko yaramburiweho ibiganza bimwinjiza muri urwo rwego na Papa Yohani Pawulo wa 2 tariki ya 8 nzeri 1990 ubwo yasuraga u Rwanda.
Bibaye kandi nyuma y’ imyaka 120 i Save mu majyepfo y’ u Rwanda hubatswe kiliziya yambere . Tariki ya 19 ukwezi kwa cumi na kumwe 2018 ni bwo Kardinali Kambanda yagizwe arkiyepiscopi wa Kigali avuye muri diyosezi ya Kibungo yari abereye umwepiscopi kuva muri 2013.
Kwimika abakardinali bashya i Roma byakozwe hubahirizwa amabwiriza yo kwirinda COVID19.
Amafoto: Getty ImagesJean Damascene MANISHIMWE
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru