Inzego z'umutekano z'u Rwanda na DRC ziyemeje guhashya imitwe yitwaje intwaro

Inzego za gisirikare n'umutekano mu bihugu by'u Rwanda na Repubulika iharanira demokarasi ya Congo ziratangaza ko ziyemeje gutahiriza umugozi umwe mu rugamba rwo guhashya no kurandura imitwe yitwaje intwaro ihungabanya umutekano w'ibihugu byombi. 

Ibi bikaba bikubiye mu itangazo impande zombi zimaze gushyira ahagaragara nyuma y'ibiganiro by'iminsi 2 byari bihurije I Kigali abayobozi b'izo nzego z'ibihugu byombi.

Muri iri tangazo, bisobanurwa ko impande zombi ziyemeje gufatanya kurwanya imitwe ihungabanya umutekano muri aka karere by'umwihariko mu bihugu byombi, ni ukuvuga u Rwanda na DRC, nkuko abakuru b'ibihugu byombi babisabye.