Imikorere y'amashuri yigisha ibinyabiziga igihe guhinduka--MININFRA

Imikorere y'amashuri yigisha ibinyabiziga igihe guhinduka--MININFRA

Yanditswe January, 01 2019 at 20:03 PM | 9563 Views



Abiga amategeko y'umuhanda no gutwara ibinyabiziga bavuga ko n'ubwo hariho igazeti ikubiyemo amasomo yabugenewe rimwe na rimwe higishwa ibitandukanye na yo. Ministeri y'ibikorwaremezo yo irizeza ko muri uyu mwaka wa 2019 hazajyaho integanyanyigisho ihuriweho n'amashuri yose yigisha amategeko y'umuhanda.

Abiga ibijyanye n'amategeko y'umuhanda no gutwara ibinyabiziga bavuga ko hasanzweho igazeti ikubiyemo ayo mategeko, ariko ngo ntihazwi igihe isomo rigomba kumara ndetse ngo bamwe bagorwa no kwiyandisha igihe cy'ikizamini bagakomeza kwiga abandi bagacika intege zo gukomeza kwiga.

Ibi kandi ngo byiyongeraho kuba hari n'abatagera mu mashuri yigisha gutwara ibinyabiziga bakiyandikisha kuko urubuga rufunguriwe buri wese. Gusa abafite bene aya mashuri ndetse n'abarimu basanga bikwiye ko mu gihe cyo kwandika abakora ibizami hajya hagenderwa ku bumenyi umuntu yakuye mu ishuli.

RURA isanga kumenya imodoka gusa bidahagije ko ahubwo n'ikinyabupfura ari ngombwa mu gukoresha umuhanda.Umuyobozi w'ishami rishinzwe ubwikorezi muri ministeri y'ibikorwaremezo Byiringiro Alfred avuga ko muri uyu mwaka wa 2019 hazashyirwaho itegeko rigena integanyanyigisho izajya ikoreshwa mu mashuri yigisha amategeko y'umuhanda kuko usanga abenshi bigisha uko babyumva.

Kugeza ubu mu Rwanda habarurwa amashuri yigisha iby'imodoka agera kuri 84. Ba nyir'aya mashuri bifuza bazagira uruhare mu ishyirwaho ry'integanyanyigisho igenewe abayigamo kuko hari byinshi bihindagurika mu bijyanye n'imikoreshereze y'umuhanda.



Ba wambere gutanga igitekerezo

Tanga igitekerezo:



RSS FEED

President Paul Kagame meets Business Leaders in the U.S

Rwanda Meteo predicts heavy rains in Northern Province, Kigali.

Life expectancy for Rwandans tripled in the last 25 years

RIB yihanangirije abacuruza ibicuruzwa bitujuje ubuziranenge

Abaturage barasaba ko imyaka yo kujya muri Pansiyo yasubira kuri 55.

Perezida Kagame yitabiriye inama y'umutekano mu Budage

RTV SCHEDULE