Yanditswe Apr, 05 2020 21:46 PM | 57,448 Views
Guverinoma y'u Rwanda imaze gutangaza ko mu rwego rwo gukomeza kurwanya Koronavirusi, Leta y'u Rwanda yemeje ko abayobozi mu nzego zinyuranye bigomwe umushahara wa Mata 2020.
Abo bayobozi ni abagize Guverinoma bose, abanyamabanga bahoraho, abayobozi b'ibigo bya Leta, ndetse n'abandi bayobozi mu nzego nkuru z'igihugu.
Itangazo riturutse mu Biro bya Minisitiri w'Intebe rivuga ko ibi bigamije kunganira ingamba ziriho zigamije gufasha abagizweho ingaruka n'icyorezo cya Koronavirusi.
Rivuga kandi ko Leta ikomeza gushimira Abanyarwanda bose ku bufatanye bakomeje kugaragaza ndetse no gukomeza kumvira amabwiriza yo kurwanya icyorezo cya koronavirusi.
Nyuma y'aho mu Rwanda hagaragariye umuntu wa mbere wanduye Koronavirusi,Guverinoma yagiye ifata ingamba zitandukanye zigamije gukumira ikwirakwira ryayo. Zimwe mu ngamba zafashwe zirimo gusaba abantu bose kuguma mu ngo, aho ibikorwa byinshi byabaye bihagaritswe. Ibi bikaba byaragize ingaruka ku bantu benshi n'Igihugu muri rusange.
Kugeza ubu abamaze kwandura iki cyorezo bamaze kuba 104 barimo 4 bagikize barasezererwa bajya mu ngo zabo.
Guverinoma ikomeza gusaba Abaturarwanda bose gukomeza gukurikiza ingamba zashyizweho kugira ngo iki cyorezo kirwanywe kugeza gitsinzwe.
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru