Bane barimo Abanyarwanda 3, abandi bantu bagaragaweho Coronavirus mu Rwanda

AGEZWEHO

  • 'Hand sanitizers' zicururizwa ku zuba hirya no hino mu Mujyi wa Kigali zimarira iki abazikoresha? – Soma inkuru...
  • Amavu n'amavuko y'Umuganura, umunsi ukomeye mu mateka y'u Rwanda – Soma inkuru...

Bane barimo Abanyarwanda 3, abandi bantu bagaragaweho Coronavirus mu Rwanda

Yanditswe Mar, 15 2020 22:02 PM
27,963 Views



Minisiteri y'Ubuzima itangaza ko kuri iki Cyumweru, hagaragaye abandi bantu bane barwaye Koronavirusi, ibi bikaba byatumye umubare w'abanduye Koronavirusi mu Rwanda ugera kuri batanu (5). 


Itangazo ry'iyi minisiteri ryasohotse mu ijori ryo ku Cyumweru risobanura ko abo bantu bashya bafite iyi ndwara ari Umunyarwanda ufite imyaka 34 wageze mu Rwanda ku itariki ya 6 Werurwe 2020 aturutse mu gihugu cya Sudani y'Amajyepfo.

Hari umuvandimwe we ufite imyaka 36 wageze mu Rwanda ku itariki ya 8 Werurwe 2020 aturutse mu birwa bya Fiji anyuze muri Amerika na Qatar.

Hari kandi  umugabo w'Umunyarwanda ufite imyaka 30 udaherutse kugirira ingendo mu mahanga. 

Iri tangazo rinavuga ko hari kandi umusore w'imyaka 22 ufite ubwenegihugu bwa Uganda wageze mu Rwanda ku itariki ya 15 Werurwe 2020 aturutse i Londres mu Bwongereza. 

Aba barwayi bane baje basanga undi umwe ukomoka mu Buhinde wagaragaweho iki cyorezo ku wa Gatanu tariki 13 Werurwe.

Abo barwayi bose bari kuvurirwa ahantu habugenewe. Hanashakishijwe abantu bose bahuye na bo kugira ngo na bo basuzumwe ndetse bitabweho n'inzego z'ubuzima. 

MINISANTE ivuga ko Abaturarwanda bose bagomba gukomeza gukurikiza amabwiriza atangwa n'ubuyobozi bw'urwego rw'ubuzima, cyane cyane gukaraba intoki igihe cyose, kutajya ahantu hahurira abantu benshi, no kumenyesha inzego zibishinzwe igihe ibimenyetso by'iyo ndwara byagaragaye hakoreshejwe umurongo wa telefone utishyurwa 114, cyangwa bakabimenyesha umujyanama w'ubuzima.

Jean Claude NDAYISHIMYE



Ba uwambere gutanga igitekerezo

Tanga igitekerezo:



RSS FEED

'Hand sanitizers' zicururizwa ku zuba hirya no hino mu Mujyi wa Kigali

NISR igiye gusohora ubushakashatsi ku ishusho y'umurimo mu Rwanda muri iki

Guverinoma yasabye Abanyarwanda kutirara mu kubahiriza amabwiriza yo kwirinda CO

Imbamutima z'Abayisilamu bongeye kujya mu misigiti nyuma y'amezi 4

Women in business begin 'Business Clinic' to help fellow female entrep

RBC's Dr Nsanzimana explains Rwanda's readiness to open International