Bamwe mu batwara ibinyabiziga baravuga ko babangamirwa n'uburyo abanyamaguru bakoresha nabi imihanda

Bamwe mu batwara ibinyabiziga bitandukanye, baravuga ko babangamirwa n'uburyo abanyamaguru bakoresha nabi imihanda bityo bikaba bibateza ibibazo kd ahanini ugasanga ari bo ingaruka zigezeho.

Ubumenyi buke ku mikoreshereze y'imihanda ku banyamaguru, biri mu bintu biteza impanuka za hato na hato nk'uko byagarutsweho na bamwe mubatwara ibinyabiziga bitandukanye.

Umwe mu bashoferi yagize ati "Ikibazo kijyanye n’abanyamaguru mu aho bambukira kirahangayikishije, barakwinjirana ukenda kubagonga ukabona ko biteje ikibazo."

Ku ruhande rw'abanyamaguru na bo ubwabo bavuga ko harimo bamwe muri bo batarasobanukirwa neza imikoreshereze y’imihanda, bityo ko hakenewe kwigishwa kuri byo.

Umuvugizi w’ishami rya Polisi rishinzwe umutekano wo mu muhanda, Rene Irere na we ashimangira ko akenshi biterwa n'ubumenyi buke ku banyamaguru, gusa ko bazakomeza kubigisha kugira ngo ibibazo byaterwaga n'abanyamaguru bigabanuke.

Yagize ati "Ni ikibazo gikomeye, sinzi niba nabihuza n’ubumenyi buke kubera ko n’aho abanyamaguru bashyiriwe ayo matara abayobora akenshi usanga umunyamaguru yambuka atari igihe cye cyo kwambuka. Ndumva twakomeza tukigisha."

Ruth Rwagasore