Bamwe mu bagore bo mu cyaro barishimira iterambere bamaze kugeraho

AGEZWEHO


Bamwe mu bagore bo mu cyaro barishimira iterambere bamaze kugeraho

Yanditswe October, 16 2019 at 07:53 AM



Abagore hirya no hino mu gihugu bavuga ko umugore wo mu cyaro agomba kwitinyuka agashora imari, mu mishinga imuteza imbere mu rwego rwo guhangana n'ibibazo byugarije umuryango.

Ibi byatangajwe kuri uyu wa Kabiri ubwo u Rwanda rwifatanyaga n'isi kwizihiza umunsi mpuzamahanga w'umugore wo mu cyaro.

Imishinga y'ubucuruzi,ubukorikori,ubwubatsi no kwibumbira hamwe ni imwe mu mishinga iteza imbere abagore by'umwihariko abo mu bice by'icyaro. Bavuga ko byahinduye imibereho yabo.

Mu gikorwa cyo kwizihiza umunsi mpuzamahanga w'umugore wo mu cyaro wabereye hirya no hino  mu mirenge itandukanye, abagore bagaragaje ko kubahiriza ihame ry'uburinganire n'ubwuzuzanye ni byo bibafasha kubaka umuryango uhamye.

Ku rwego rw'igihugu uyu munsi wizihirijwe mu Karere ka Gicumbi mu Murenge wa Byumba, igikorwa cyaranzwe no kuremera bamwe mu bagore bo mu cyaro bakiri mu kiciro cy'ubukene aho bahawe inka 9,abafite ubumuga bahabwa amagare ndetse n'abaterankunga babashyikiriza amafaranga Miliyoni 2.

Abaremewe bavuga ko  bizabatinyura mu ngo zabo muri gahunda zo kwiteza imbere.

Minisitiri w'Uburinganire n'Iterambere ry'Umuryango, Amb. Soline Nyirahabimana yavuze ko kugira umuryango utekanye ari ipfundo ry'iterambere ry'umuryango.

Yishimira ko hari urwego  umugore amaze kugeraho mu iterambere ry'Igihugu.

Cyakora ngo igihangayikishije n'amakimbirane akigaragara hagati y'abashakanye ndetse n'abagabo basambanya abana b'abakobwa

Uyu munsi mpuzamahanga w'umugore wo mu cyaro wizihirijwe ku rwego rwa buri murenge ku nsanganyamatsiko igira iti "umuryango utekanye kandi uteye imbere."

Inkuru mu mashusho


Jean Paul TURATSINZE



Ba uwambere gutanga igitekerezo

Tanga igitekerezo:



RSS FEED

Bwa mbere mu mateka u Rwanda rwizihije umunsi wahariwe abagabo

MIGEPROF izashyira hanze ubushakashatsi ku ihohoterwa muri Kamena

Abagore barasabwa kugira uruhare mu gukemura ibibazo byugarije igihugu--MIGEPROF

MIGEPROF ivuga ko ibikinisho bigira uruhare rukomeye mu burere bw'umwana mu

Madame Roman Tesfaye yasuye ibikorwa by'iterambere by'abagore i Kayonz

U Rwanda ni urwa 5 ku isi mu guharanira iterambere ry'umugore n'uburin