BNR yasabye amabanki kwegera abakiriya bafite inguzanyo zibateye impungenge

AGEZWEHO

  • Abasirikare ni abenegihugu nk’abandi ntibakwiye guhezwa mu bigiteza imbere- Gen Kazura – Soma inkuru...
  • U Bubiligi bwahaye u Rwanda inkunga ya Miliyari 18 Frw yo guteza imbere abagore n'urubyiruko – Soma inkuru...

BNR yasabye amabanki kwegera abakiriya bafite inguzanyo zibateye impungenge

Yanditswe Nov, 11 2021 20:03 PM | 80,080 Views



Imibare mishya ya Banki Nkuru y’u Rwanda irerekana ko ingamba iyo banki yakomeje gushyiraho mu micungire y’urwego rw’imari yafashije kugabanya ikiguzi cy’inguzanyo yaba hagati y’amabanki ku yandi n’inyungu amabanki yaka abikorera bafata inguzanyo mu bigo by’imari. 

Guverineri wa Banki Nkuru y’u Rwanda John Rwangombwa avuga ko ibi byafashije amabanki kongera inguzanyo aha abikorera.

Nubwo ibyiciro byinshi bigize ubukungu bw’igihugu byahungabanyijwe n’icyorezo cya COVID-19, Guverineri wa Banki Nkuru y’u Rwanda John Rwangombwa avuga ko ingamba zafashwe mu gukumira ingaruka z’icyo cyorezo ku rwego rw’imari zatanze umusaruro.

Gusa ngo nta byera ngo de, kuko Guverineri Rwangombwa asaba abanyamabanki kwegera abakiliya babo bafite inguzanyo ziteye impungenge bagafatanya gushakisha ibisubizo mu maguru mashya.

John Rwangombwa asobanura uburemere bw’iki kibazo, n’ingaruka cyateza ku rwego rw’imari n’ubukungu muri rusange mu bihe biri imbere.

Mu yindi mibare BNR yerekana harimo ko ibiciro ku masoko muri iki gihembwe cya 3 mu buryo usange byagiye munsi ya zero ndetse ngo icyuho ku bicuruzwa igihugu cyohereza ugereranije n’ibyo gitumiza ngo usanga cyaragabanutseho 3.2% bitewe no kwiyongera kw’ibyo u Rwanda rwagurishije hanze ku gipimo cya 58.3% ugereranije no kwiyongera kwa 12.7% kw’ibyo rwatumijeyo.

Ruziga Emmanuel Masantura



Ba uwambere gutanga igitekerezo

Tanga igitekerezo:



RSS FEED

BNR yasobanuye ingaruka intambara y'u Burusiya na Ukraine izagira ku Rwanda

Muri 2021 inguzanyo za banki zazamutse ku gipimo cya 28,7%

BNR yazamuye inyungu ku nguzanyo iha amabanki ku gipimo cya 5%

Agaciro k'ifaranga ry'u Rwanda: Byifashe bite ku isoko ry'ivungis

BNR yavuze ko muri Covid19 yahaye amabanki y’ubucuruzi uburenganzira bwo k

Ni nde uhima undi?: Gukuba 3 ubwishingizi bwa moto, gukemura ikibazo uteza ikind