AGEZWEHO

  • Minisiteri y'Ibidukikije yahagurukiye ikibazo cy’imiswa yangiza imyaka n’ibiti mu Ntara y'Iburasirazuba – Soma inkuru...
  • MINALOC yasabye abayobozi b'inzego z'ibanze baherutse gutorwa kwirinda kwegura no kweguzwa – Soma inkuru...

BNR yagaragaje ko icyuho hagati y’ibyoherezwa n’ibyo igihugu gitumiza cyazamutse

Yanditswe Aug, 12 2022 19:08 PM | 119,716 Views



Banki nkuru y’u Rwanda ivuga ko kuzamuka kw’inyungu ku nguzanyo byagaragaye mu gihembwe cya kabiri cy’uyu mwaka wa 2022 ugereranije n'uko byari bimeze mu bihe nk'ibyo mu mwaka ushize, bidafite aho bihuriye na gato na politiki y’ifaranga iyo banki yashyizeho mu bihe byashize. 

Iyo banki kandi igaragaza ko icyuho hagati y’ibyoherezwa n’ibyo igihugu gitumiza cyazamutse.

Mu kiganiro na guverineri wa Banki kuru y’u Rwanda, John Rwangombwa yagaragaje ko umutungo w’ibigo by’imari wazamutse muri rusange aho atanga urugero rw’uwa za banki wazamutseho ku gipimo cya 18.8% ukagera kuri miliyali 5492 z’amafaranga y’u Rwanda kugeza muri Kamena uyu mwaka, uvuye kuri miliyali 4624 z’amafaranga mu gihe nk’icyo umwaka ushize.

Guverineri Rwangombwa anakomoza ku cyatumye inguzanyo zitishyurwa neza zigabanuka muri Kamena uyu mwaka zikagera kuri 4.6% y’inguzanyo zose zivuye kuri 5.1% byariho muri Kamena umwaka ushize.

Guverineri Rwangombwa avuga ko ikinyuranyo cy’ibyo u Rwanda rwohereza mu mahanga ugereranije n’ibyo rutumizayo cyakomeje kuzamuka kikagera kuri 20.6%, mu gihe ibyo rwohereza byari byazamutse ku gipimo cya 32.2% naho ibyo rutumizayo nabyo bikiyongeraho 24.5%. 

Gusa akagaragaza ko ubwizigame bw’amadevize igihugu gifite bwongereye ubudahangarwa ifaranga ry’u Rwanda ku isoko ry’ivunjisha.

Mu bindi Banki Nkuru y’u Rwanda yagaragaje mu mibare yayo, ni uko igiciro amabanki agurizanyaho cyazamutse kikagera kuri 5.54% bivuye kuri 5.21% byariho muri Kamena umwaka ushize. 

Mu gihe inyungu ku nguzanyo yazamutse ikagera kuri 16.31% bivuye kuri 16% mu mwaka ushize, naho ikiguzi cyo kubitsa cyagabanutseho mu gihembwe cya kabiri cy’uyu mwaka ugereranije n’umwaka ushize.

RUZIGA EMMANUEL MASANTURA




Ba uwambere gutanga igitekerezo

Tanga igitekerezo:



RSS FEED

Minisiteri y'Ibidukikije yahagurukiye ikibazo cy’imiswa yangiza imyak

MINALOC yasabye abayobozi b'inzego z'ibanze baherutse gutorwa kwirinda

Imibare y'abanyeshuri bava mu mashuri yigenga bakajya mu mashuri ya Leta ik

Nibona nk'umwana wavukiye mu Rwanda kuko nasubiye ku ibere - Uwavuye muri L

U Rwanda na Singapore byiyemeje kurushaho guteza imbere ubutwererane hagati yaby

Amashuri yongeye gufungura imiryango muri Cabo Delgado