BK yahawe icyemezo kigaraga ko yujuje ibisabwa mu kubika no kubungabunga amakuru y’abakiriya

Banki ya Kigali yatangaje ko mu ntangiriro z'uyu mwaka yahawe icyemezo cy'imikorere yujuje ubuziranenge cya ISO 27001:2013, bisobanuye ko iyi banki yujuje ibisabwa mu kubika no kubungabunga amakuru y'abakiriya bayo, nk'uko bisabwa n'ikigo gishinzwe umutekano w'amakuru SMSI. 

Ibi bireba politiki n'uburyo amakuru yerekeranye na banki acungwa akanakoreshwa.

Iki cyemezo gishimangira ko Banki ya Kigali ifite uburyo buhamye bwo kubungabuga umutekano w'amakuru n'imikoreshereze yaho hifashishijwe ikoranabuhanga, kandi ubwo buryo bukaba bwujuje amahame mpuzamahanga. 

Banki ya Kigali itangaza ko iki cyemezo ari uburyo bwo kwizeza abakiriya bayo ko izakomeza kubaha serivisi nziza. 

Itangaza ko izakomeza guharanira kubungabunga amakuru yerekeye abakiriya bayo, kugira ngo bumve batekanye, bityo barusheho kwifuza gukorana na yo.