Amatora y’inzego z’ibanze agiye gukorwa mu buryo buziguye

AGEZWEHO

  • Abasirikare 150 b’Abaholandi bari mu mahugurwa mu Rwanda – Soma inkuru...
  • Ahahoze inkambi y’impunzi ya Gihembe hatangiye gusubiranwa mu rwego rwo kuhabungabunga – Soma inkuru...

Amatora y’inzego z’ibanze agiye gukorwa mu buryo buziguye

Yanditswe Oct, 15 2021 05:31 AM | 89,832 Views



Ku nshuro ya mbere amatora y’inzego z’ibanze mu Rwanda agiye gukorwa mu buryo buziguye kuva ku rwego rw’umudugudu aho kuba ku rw’akagali nkuko byari bisanzwe kubera ingamba zo kwirinda icyorezo cya COVID19.

Nubwo bimeze bityo ariko minisiteri y’ubutegetsi bw’igihugu yo ivuga ko u Rwanda rukomeye ku ihame rya demokarasi muri aya matora.

Nyuma yo gusubikwa inshuro ebyiri kubera ubukana bw’icyorezo cya COVID19 amatora y’inzego z’ibanze araba guhera mu mpera z’iki cyumweru.

Perezida wa Komisiyo y’Igihugu y’Amatora, Prof. Kalisa Mbanda avuga ko kuva ku mudugudu kugeza ku rwego rw’Akarere amatora y’inzego z’ibanze azakorwa mu buryo buziguye hirindwa icyorezo cya COVID19 ari nayo mpamvu no kwiyamamaza ku bifuza kujya muri njyanama z’uturere bizakorwa hifashishijwe ikoranabuhanga.

Minisitiri w’ubutegetsi bw’igihugu Gatabazi JMV avuga ko ibi ntacyo bizahungabanya ku ihame rya demokarasi n’uburenganzira bw’umuturage bwo kwihitiramo abayobozi nkuko byakorwaga mbere ya COVID19.

Aha ni naho Minisitiri Gatabazi ahera asaba buri wese urebwa n’aya matora kuyitabira kubera inshingano zikomeye zitegereje abazatorwa. 

Amatora y’inzego z’ibanze atangira kuri uyu wa gatandatu azatwara ingengo y’imari ibarirwa hafi muri miliyari 2 z’amafaranga y’u Rwanda asozwe mu mpera z’ukwezi gutaha kwa 11 hatowe abayobozi basaga 240 000 hose mu gihugu.

Divin UWAYO



Ba uwambere gutanga igitekerezo

Tanga igitekerezo:



RSS FEED

MINALOC yashimye ubwitabira bw'abaturage mu matora yo ku rwego rw'isib