Yanditswe Jul, 21 2016 11:38 AM | 2,190 Views
Polisi y’u Rwanda mu ntara y’amajyepfo, iravuga ko yataye muri yombi abantu 5 barimo n'abayobozi bo mu nzego z'ibanze bashinjwa kunyereza umutungo w'igihugu bifashishije inyandiko mpimbano.
Umuvugizi wa police muri iyi ntara y'amajyepfo CIP André Hakizimana avuga ko mu batawe muri yombi harimo umuyobozi mu murenge wa Ntongwe mu karere ka Ruhango ushinjwa guhimba raporo za gahunda y’ubudehe agamije kunyereza ibyagenewe abatishoboye, ndetse n’umuvuzi w’amatungo ushinjwa kwaka amafaranga abaturage ngo abashyire ku rutonde rw’abagomba guhabwa inka muri gahunda ya Girinka.
Ngo hari n’abaturage batatu bahimbye Koperative ya baringa bakaka bagenzi babo amafaranga babizeza kubashyira ku rutonde rw’abazahabwa inka. Bafashwe bamaze kubaka agera kuri 1,700,000Fr.
Naho Polisi y’u Rwanda mu karere ka Nyagatare yo yataye muri yombi abantu bane bashinjwa gukoresha inyandiko mpimbano no kunyereza amafaranga yagenewe guteza imbere abaturage muri gahunda ya VUP.
Babiri muri bo basanganywe impapuro zigaragaza ko bafite Koperative ya baringa yitwa ’Duhujimihigo’.
Umuvugizi wa Polisi y’u Rwanda mu Ntara y’Iburasirazuba, Inspector of Police (IP) Emmanuel Kayigi avuga ko bakekwaho gufatanya n’abayobozi b’inzego z’ibanze babiri, uw’umudugudu n’uw’akagari mu gukora ibyo byaha, kuko ngo babasinyiye ku byangombwa babona inkunga ya VUP ingana na miriyoni ebyiri n’igice z’’amafaranga y’u Rwanda."
Ubuhamya bw'abakinnyi barokowe na Siporo muri Jenoside yakorewe Abatutsi
Apr 19, 2024
Soma inkuru
REG BBC yisubije Thomas Cleveland Jr
Jan 19, 2024
Soma inkuru
Oscar Pistorius yafunguwe nyuma y'imyaka 11 ishize yishe uwari umukunzi we
Jan 05, 2024
Soma inkuru
Jurrien Timber myugariro wa Arsenal ari mu Rwanda muri Gahunda ya Visit Rwanda
Dec 14, 2023
Soma inkuru
Twitege iki kuri Tour du Rwanda 2024?
Nov 09, 2023
Soma inkuru
Amagare: FERWACY yabonye abayobozi bashya
Nov 05, 2023
Soma inkuru
Perezida Kagame yakiriye abegukanye ibihembo bya Trace Awards 2023
Oct 22, 2023
Soma inkuru
Car Free Day: Umujyi wa Kigali washimiwe kugira ibikorwaremezo byorohereza abagenda n'amaguru
Oct 15, 2023
Soma inkuru