Abirukanwe muri Uganda bahamya ko urwango rufitiwe Abanyarwanda rwageze no mu baturage

AGEZWEHO


Abirukanwe muri Uganda bahamya ko urwango rufitiwe Abanyarwanda rwageze no mu baturage

Yanditswe November, 28 2019 at 11:22 AM



Abanyarwanda 33, kuri uyu wa Gatatu binjiriye k’Umupaka wa Cyanika mu Karere ka Burera nyuma yo kwirukanwa mu gihugu cya Uganda baraburira bagenzi babo baba bafite igitekerezo cyo kwerekeza yo kuko nta mahoro bazahagirira dore ko n’abari yo batotezwa abandi bagakorerwa iyicarubozo.

Imiryango yabo ndetse n'imitungo yabo byose barabitaye kuko birukanwe shishi itabona.

Abahambirijwe biganjemo abana, urubyiruko n’abagore. Umunaniro, inzara n’agahinda ni byo byagaragaraga ku maso yabo. Mu buhamya bwabo, bavuga ko uburyo bafashwemo budahesha ikiremwamuntu agaciro.

Imiryango yatandukanyijwe n’ababo, imitungo itimukanwa barayisiga yewe ngo n’iyimukanwa irimo amafaranga cyangwa ibindi by’agaciro barabyambuwe.

Mu gihe byari bizwi ko inzego z’umutekano za Uganda ari zo zitoteza Abanyarwanda, magingo aya, abirukanywe bahamya ko urwango Abanyarwanda bafitiwe rwinjiye no mu baturage basanzwe aho mu mvugo zabo bavuga ko nta Munyarwanda bashaka mu gihugu cyabo.

Abirukanwe Uganda barasaba buri Munyarwanda ufite igitekerezo cyo kujya Uganda kukibagirwa kuko byaba ari ukwishora mu kaga.

N’ubwo hagiye hasinywa amasezerano y’amahoro hagati y’ibihugu byombi mu bihe bitanduaknye, kugeza ubu ntacyo byatanze kuko Abanyarwanda bakomeje guhohoterwa n’inzego z’umutekano z’Igihugu cya Uganda.

Muri Werurwe 2019, Guverinoma y’u Rwanda yasabye abaturage bayo guhagarika kujya muri Uganda kubera impungenge z’umutekano wabo, nyuma y’ubuhamya bw’abarenga 900 bari bamaze iminsi birukanwa ku butaka bw’icyo gihugu nyuma yo guhohoterwa n’iyicarubozo bakorewe.

Igitotsi mu mubano w'u Rwanda na Uganda ni ingingo imaze imyaka isaga ibiri igarukwaho n'ibinyamakuru bitandukanye. U Rwanda rwagaragaje ko imiterere y'iki kibazo ishingiye ku ngingo 3: Guhohotera Abanyarwanda mu bihe no mu buryo butandukanye bikozwe n'inzego z'umutekano za Uganda, gushyigikira imitwe y'abarwanyi igerageza guhungabanya umutekano w'Igihugu no kubangamira ubukungu bw'u Rwanda mu buryo butandukanye.

Ku batari bake ngo Uganda yakunze kurangwa no kuruma gihwa ku bibazo ifitanye n'umuturanyi ndetse no gushinja u Rwanda kubangamira urujya n'uruza binyuze mu cyo iki gihugu cyise gufunga umupaka wa Gatuna uhuza ibihugu byombi, ibintu abasesengura bavuga ko ari ukuyobya uburari no kwirengegiza umuzi w'ikibazo.

Ubuhamya


Robert BYIRINGIRO 



Ba uwambere gutanga igitekerezo

Tanga igitekerezo:



RSS FEED

Ugandans living in Rwanda express satisfaction on how they are treated

Abaminisitiri 5 mu ruzinduko mu Ntara y'Amajyaruguru

Abanyarwanda nibaba batagihohoterwa muri Uganda tuzababwira ko nta mpungenge zo

A Rwandan national killed in Uganda trying to rescue compatriot from the angry m

The genesis of hostility in Rwanda-Uganda relations

Umuzi w'ikibazo cy'u Rwanda na Uganda kimaze imyaka isaga ibiri kivugw